Guðbjörg Þorkelsdóttir (Uppsölum)
Guðbjörg Amelíe Þorkelsdóttir (Emma) hárgreiðslukona, fiskverkakona, húsfreyja fæddist 24. september 1929 og lést 22. mars 2016 á Sjúkrahúsinu.
Foreldrar hennar voru Þorkell Ásmundsson húsasmiður, f. 25. apríl 1902 í Fellsaxlarkoti í Seljahlíð í Skilmannahreppi, Borgarfj.s, d. 18. júní 1997, og barnsmóðir hans og unnusta Alma Jenný Sigurðardóttir húsfreyja á Völlum í Viðey, f. 19. ágúst 1907, d. 25. september 1955.
Guðbjörg var með móður sinni á Völlum í Viðey 1930, síðar í Reykjavík, á Lindargötu og Efstasundi 13.
Hún lærði hárgreiðsluiðn, vann við hana í Reykjavík og síðar í Eyjum. Einnig vann hún við fiskiðnað í Eyjum.
Þau Páll giftu sig 1950, eignuðust fjögur börn. Þau bjuggu á Lögbergi, í Bergholti við Vestmannabraut 67, keyptu Uppsali við Vestmannabraut 55 og bjuggu þar til 2005, en þá og síðan að Kleifahrauni 2d.
Guðbjörg lést 2016.
I. Maður Guðbjargar, (5. mars 1950), er Páll Magnús Guðjónsson frá Lögbergi, sjómaður, verkamaður, f. 12. desember 1926 í Hlíð u. Eyjafjöllum.
Börn þeirra:
1. Jens Oddsteinn Pálsson, f. 5. ágúst 1950. Fyrrum kona hans Heiðdís Jónsdóttir.
2. Sesselja Geirlaug Pálsdóttir, f. 9. ágúst 1952 í Bergholti. Maður hennar Helgi Hjálmarsson.
3. Guðjón Þorkell Pálsson, f. 15. júlí 1954 í Reykjavík. Kona hans Anna Sigrid Karlsdóttir.
4. Ægir Pálsson, f. 21. júní 1959 á Landspítalanum. Barnsmóðir hans Linda Njarðardóttir.
Heimildir
- Samantekt: Víglundur Þór Þorsteinsson.
- Íslendingabók.
- Morgunblaðið 2. apríl 2016. Minning.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.