Hrafnhildur Sveinsdóttir (Eyvindarholti)
Hrafnhildur Sveinsdóttir frá Eyvindarholti, húsfreyja fæddist 22. mars 1943 og lést 1. febrúar 1997.
Foreldrar hennar voru Sveinn Jónasson verkamaður, síðar bóndi í Efri-Rotum u. Eyjafjöllum, f. 9. júlí 1902 í Miðmörk u. V-Eyjafjöllum, d. 26. desember 1981, og kona hans Ragnhildur Jóhannsdóttir húsfreyja, f. 14. ágúst 1904 í Reykjavík, síðast í Traðarhúsum á Eyrarbakka, d. 8. maí 1972.
Börn Ragnhildar og Sveins:
1. Guðfinna Sveinsdóttir húsfreyja, f. 15. júní 1928 á Laugalandi, d. 10. febrúar 2021. Maður hennar Sigurður Eiríksson, látinn.
2. Sigurður Sveinsson sjómaður, farmaður, bóndi, síðast í Hafnarfirði, f. 15. júlí 1929 á Laugalandi, d. 12. desember 2003.
3. Jóhann Bergur Sveinsson lögreglumaður, heilbrigðisfulltrúi Suðurnesja, f. 15. september 1930 í Eyvindarholti, d. 24. ágúst 2004.
4. Nína Sveinsdóttir húsfreyja í Sandgerði, f. 21. mars 1933 í Eyvindarholti, d. 30. júní 1990.
5. Jónas Sveinsson sjómaður, bifreiðastjóri, f. 23. september 1937 í Eyvindarholti, d. 13. ágúst 2000.
6. Sveinn Víkingur Sveinsson lögreglumaður, ökukennari í Keflavík, f. 11. apríl 1941 í Eyvindarholti.
7. Hrafnhildur Sveinsdóttir húsfreyja, síðast í Kópavogi, f. 22. mars 1943 í Eyvindarholti, d. 1. febrúar 1997.
Hrafnhildur var með foreldrum sínum, í Eyjum og Efri-Rotum.
Hún eignaðist barn með Guðmundi Helga 1966.
Þau Árni giftu sig 1969, eignuðust þrjú börn. Þau bjuggu í Sigtúni í Reykjavík og á Fögrubrekku í Kópavogi.
Hrafnhildur lést 1997 og Árni 2014.
I. Barnsfaðir Hrafnhildar var Guðmundur Helgi Haraldsson vélvirki, vélstjóri, f. 15. febrúar 1945, d. 20. desember 2015.
Barn þeirra:
1. Ragnhildur Hafdís Guðmundsdóttir húsfreyja, f. 28. desember 1966, d. 13. júní 1998. Maki hennar Páll Þórarinsson, látinn.
II. Maður Hrafnhildar, (1. janúar 1969), var Árni Guðmannsson húsasmiður, sjómaður, f. 30. maí 1942, d. 18. maí 2014. Foreldrar hans voru Jón Guðmann Valdimarsson smiður á Eyrarbakka, f. 5. október 1918, d. 28. september 1997, og kona hans Stefanía Magnúsdóttir húsfreyja, f. 29. apríl 1921, d. 8. febrúar 2017.
Börn þeirra:
2. Sóley Huld Árnadóttir húsfreyja, nemi í ferðamálafræði, f. 1. desember 1973. Maður hennar Sveinbjörn Hjálmarsson.
3. Dagný Hrund Árnadóttir húsfreyja, handavinnukennari, f. 3. október 1977. Maður hennar Elvar Þór Ásgeirsson.
4. Signý Hlíf Árnadóttir húsfreyja, f. 25. maí 1980. Fyrrverandi maki Valborg Ösp Waren.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Morgunblaðið 8. febrúar 1997. Minning.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.