Elín Árnadóttir (Skálholti)

Úr Heimaslóð, Sögusetri Vestmannaeyja
Fara í flakk Fara í leit
Elín Árnadóttir.

Elín Árnadóttir húsfreyja frá Skálholti fæddist 18. september 1927 og lést 7. október 2003.
Foreldrar hennar voru Árni Sigfússon kaupmaður, f. 31. júlí 1887, d. 7. mars 1948, og kona hans, Ólafía Árnadóttir húsfreyja frá Gerðum í Garði, f. 8. maí 1895, d. 15. mars 1962.

Börn Ólafíu og Árna:
1. Jón Árni skrifstofumaður, f. 10. mars 1916, d. 2. ágúst 1970, kvæntur Þyri Björnsdóttur, f. 29. september 1915, d. 3. febrúar 1954, dóttur Björns Guðjónssonar á Kirkjubæ og konu hans Sigríðar Jónasdóttur.
2. Ragnheiður húsfreyja, f. 10. október 1918, gift bandarískum manni, d. 2. nóvember 1999.
3. Guðni Hjörtur smiður, fæddur 14. ágúst 1920, d. 3. október 1965.
4. Elín húsfreyja, fædd 18. september 1927, d. 7. október 2003, gift Gunnari Stefánssyni vélstjóra frá Gerði, f. 16. desember 1922, d. 27. desember 2010.
5. Elísabet, f. 4. mars 1930, húsfreyja og framkvæmdastjóri Geðverndarfélags Íslands, gift Jóhanni Möller, f. 7. febrúar 1920, d. 26. febrúar 2011.

Elín lauk gagnfræðaprófi 1943.
Maður hennar, (1947), var Gunnar Stefánsson í Gerði, f. 16. desember 1922, d. 27. desember 2010.
Þau Gunnar byggðu hús að Helgafellsbraut 36 1953 og bjuggu þar til Goss.
Þá fluttust þau til Kópavogs og bjuggu þar að Birkigrund 70 til ársins 1991. Fluttust þau þá aftur til Eyja.

Börn Elínar og Gunnars:
1. Leifur fyrrum stýrimaður, rannsóknamaður hjá Hafrannsóknastofnuninni og skipaskoðunarmaður, fæddur 16. febrúar 1947. Kona hans er Ingibjörg Birna Sigursteinsdóttir Marinóssonar, f. 21. september 1947.
2. Árni Gunnar rafvirkjameistari, f. 22. desember 1950. Kona hans er Erna Ingólfsdóttir Eiríkssonar, f. 24. október 1952.
3. Stefán Geir fyrrum sjómaður, starfsmaður við Íþróttamiðstöðina í Vestmannaeyjum, f. 1. febrúar 1953. Kona (skilin) var Aðalheiður I. Sveinsdóttir Tómassonar, f. 7. apríl 1954.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.