Björgvin Magnússon (Bragganum)

Helgi Björgvin Magnússon sjómaður, verkamaður fæddist 26. janúar 1900 í Víkurgerði í Fáskrúðsfirði og lést 25. október 1995.
Foreldrar hans voru Magnús Kristinn Þorsteinsson bóndi, f. 18. júní 1867, d. 3. júní 1931, og kona hans Málmfríður Bjarnadóttir húsfreyja, f. 25. september 1871, d. 11. nóvember 1912.

Björgvin var með foreldrum sínum í æsku, í Víkurgerði 1901 og 1910. Hann var sjómaður á Kolfreyju við giftingu 1920.
Þau Petra giftu sig 1920, eignuðust fjögur börn og ættleiddu dótturdóttur sína.
Þau eignuðust Friðgeir á Fáskrúðsfirði, Lovísu á Reyðarfirði, voru komin til Eyja við fæðingu Jóhanns 1928.
Þau bjuggu á Heiði 1928, á Lágafelli við Vestmannabraut 10 1930, í Kaupangi við Vestmannabraut 31 1940, á Gunnarshólma við Vestmannabraut 37 1941, í Bragga við Urðaveg 1945 og 1949, í Eyvindarholti við Brekastíg 7b við lát Petru 1961.
Björgvin bjó í Eyvindarholti við Gos 1973, dvaldi að síðustu í Hraunbúðum.
Hann lést 1995.

I. Kona hans, (8. október 1920), var Guðrún Petra Lúðvíksdóttir húsfreyja, f. 17. febrúar 1902 á Kolfreyju á Brimnesi í Fáskrúðsfirði, d. 22. júlí 1961.
Börn þeirra:
1. Magnús Friðgeir Björgvinsson sjómaður, f. 3. nóvember 1922 á Fáskrúðsfirði, d. 18. nóvember 2016.
2. Lovísa Guðríður Björgvinsdóttir verkakona, húsfreyja, f. 2. janúar 1924 á Reyðarfirði, d. 29. mars 1979.
3. Jóhann Magnús Björgvinsson sjómaður, f. 6. júní 1928 á Heiði við Sólhlíð 19, d. 14. janúar 2017.
4. Birna Björgvinsdóttir húsfreyja, f. 7. júní 1940 í Kaupangi við Vestmannabraut 31, d. 8. febrúar 1995.
Kjörbarn þeirra var
5. Helga Björgvinsdóttir húsfreyja, f. 27. júlí 1941, d. 1. október 2000. Hún var dóttir Lovísu Guðríðar.

II. Barnsmóðir Björgvins var Sigríður Jónína Sigurðardóttir, f. 23. september 1898, d. 30. desember 1977.
Barn þeirra:
6. Alfons Halldór Björgvinsson vélvirki, járnsmiður, f. 7. febrúar 1928, d. 15. ágúst 1979.

---

Heimildir

• Samantekt: Víglundur Þór Þorsteinsson.
• Íslendingabók.
• Manntöl.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---