Þórhildur Einarsdóttir
Þórhildur Einarsdóttir frá Ey í V.-Landeyjum, húsfreyja fæddist 19. mars 1877 í Stóru-Mörk u. V.-Eyjafjöllum og lést 31. desember 1954.
Foreldrar hennar voru Einar Ólafsson bóndi, f. 12. ágúst 1831, d. 25. júlí 1911, og kona hans Katrín Sæmundsdóttir húsfreyja, f. 10. júlí 1844, d. 13. júní 1916.
Þórhildur var með foreldrum sínum í Stóru-Mörk.
Þau Sigurður giftu sig 1906, eignuðust 5 börn. Þau bjuggu í Ey í V.-Landeyjum.
Sigurður lést 1925.
Þórhildur flutti til Eyja 1926, bjó í Steinum við Urðaveg 6 1930 með börnum sínum Haraldi og Guðrúnu, bjó með þeim á Rauðafelli við Vestmannabraut 58b 1934, með Haraldi og Kristínu konu hans þar 1940, var hjá þeim á Haukfelli við Hvítingaveg 2 1945 og 1949.
Þórhildur lést 1954, var jörðuð í Breiðabólsstaðarkirkjugarði í Fljótshlíð.
I. Maður Þórhildar, (20. júlí 1906), var Sigurður Snjólfsson bóndi, f. 18. nóvember 1878, d. 9. apríl 1925. Foreldrar hans voru Snjólfur Sigurðsson bóndi í Rifshalakoti í Ásahreppi, Rang., f. 8. ágúst 1849 á Minniborg u. Eyjafjöllum, d. 16. ágúst 1901, og Guðrún Filippusdóttir húsfreyja, f. 2. ágúst 1856 í Rifshalakoti, d. 13. maí 1925.
Börn þeirra:
1. Katrín Sigurðardóttir húsfreyja á Reyni í Mýrdal, f. 23. október 1906 í Stóru-Mörk, d. 3. ágúst 1998. Maður hennar Halldór Sölvason kennari.
2. Marta Sigurðardóttir húsfreyja á Tumastöðum í Fljótshlíð og á Oddhól á Rangárvöllum, f. 19. júní 1908, d. 16. ágúst 2002. Maður hennar Frímann Ísleifsson bóndi.
3. Haraldur Sigurðsson vélstjóri, vélvirki, f. 23. nóvember 1910, d. 10. febrúar 2004. Kona hans Kristín Helgadóttir húsfreyja, saumakona.
4. Sigríður Sigurðardóttir húsfreyja, saumakona, f. 18. september 1913, d. 27. janúar 1969. Maður hennar Ólafur Jónsson skipasmiður.
5. Guðrún Sigurðardóttir sjúkraliði, f. 5. júlí 1916, d. 11. desember 2004. Maður hennar Karl Filippusson bifreiðastjóri.
Heimildir
- Samantekt: Víglundur Þór Þorsteinsson.
- Íslendingabók.
- Manntöl.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.