Finnbogi Árnason (Stóra-Hvammi)

Finnbogi Árnason.

Finnbogi Árnason frá Stóra-Hvammi, rafvirkjameistari fæddist 5. maí 1930 í Bræðraborg og lést 1. nóvember 2019.
Foreldrar hans voru Árni Sigurjón Finnbogason skipstjóri, f. 5. desember 1893 í Norðurgarði, d. 22. júní 1992, og kona hans Guðbjörg Aðalheiður Sigurðardóttir húsfreyja, f. 15. febrúar 1896 á Fögruvöllum, d. 30. janúar 1958,

Börn Guðbjargar Aðalheiðar og Árna:
1. Rósa húsfreyja, f. 25. júní 1916, d. 12. mars 1983, fyrr gift Þórarni Bernótussyni, síðar Birni Arnórssyni.
2. Ráðhildur húsfreyja, f. 24. júní 1917, d. 14. janúar 1997, gift Gísla Þorsteinssyni.
3. Ágústa Kristín Árnadóttir, f. 15. janúar 1919, d. 24. júní 1919.
4. Sigurbjörn verkamaður, sjómaður, bifreiðastjóri, f. 6. mars 1920, d. 31. desember 1998, fyrr kvæntur Maríu Björgvinsdóttur, síðar Ester S. Snæbjörnsdóttur.
5. Ágústa Kristín Árnadóttir húsfreyja, f. 6. ágúst 1921, gift Emil Jóhanni Magnússyni kaupmanni í Grundarfirði.
6. Aðalheiður Árný Árnadóttir húsfreyja, f. 5. desember 1925, d. 20. september 1989, fyrrum gift Pálma Péturssyni kennara.
7. Áslaug Árnadóttir húsfreyja, fædd 20. janúar 1928, d. 18. júlí 2007, gift Pétri Sveinssyni bifreiðastjóra.
8. Finnbogi Árnason rafvirkjameistari, fæddur 5. maí 1930, d. 1. nóvember 2019, kvæntur Guðbjörgu Þóru Steinsdóttur.
9. Borgþór Árnason vélstjóri, fæddur 27. september 1932, d. 14. febrúar 2008, kvæntur (skildu) Guðrúnu Andersen.

Finnbogi var með foreldrum sínum í æsku, í Bræðraborg og Stóra-Hvammi.
Hann lærði rafvirkjun í Iðnskólanum. Meistari var Bogi Jóhannsson.
Hann tók sveinspróf 1954, fékk meistarabréf 1963 og lágspennulöggildingu 1964.
Finnbogi rak Raftækjavinnustofuna og verslunina Kjarna í Eyjum, vann hjá Bræðrunum Ormsson í Reykjavík og síðan hjá Raftækjaþjónustunni.
Þau Guðbjörg Þóra giftu sig 1951, eignuðust eitt barn. Þau bjuggu í fyrstu í Stóra-Hvammi, en síðan í Birkihlíð 5, sem þau byggðu.
Þau fluttu úr Eyjum við Gos, bjuggu í Hörgslundi 17 í Garðabæ í 20 ár, þá á Suðurvangi í Hafnarfirði, en að síðustu á Boðahlein 7.
Finnbogi lést 2019.
Þóra býr á Boðahlein 7.

I. Kona Finnboga, (17. júní 1951), er Guðbjörg Þóra Steinsdóttir frá Múla, húsfreyja, skrifstofumaður, afgreiðslumaður, símavörður, f. 20. maí 1931.
Barn þeirra:
1. Árni Finnbogason rafvirki í Hafnarfirði, f. 25. september 1950 á Múla. Kona hans, skildu, er Sigríður Ferdinandsdóttir.

---

Heimildir

• Samantekt: Víglundur Þór Þorsteinsson.
• Guðbjörg Þóra.
• Íslendingabók.is.
• Manntöl.
• Morgunblaðið 12. nóvember 2019. Minning.
• Prestþjónustubækur.
• Rafvirkjatal. Ritstjóri: Þorsteinn Jónsson, Gunnar Guðmundsson og fleiri. Þjóðsaga hf. 1995.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---