Stefanía Einarsdóttir (Hólmi)

Stefanía Einarsdóttir húsfreyja á Hólmi fæddist 26. apríl 1892 og lést 19. mars 1972.
Faðir hennar var Einar bóndi í Hrauntúni í Biskupstungum, f. 6. apríl 1858, d. 25. júní 1918, Einarsson bónda í Efra-Langholti í Hrunamannahreppi 1870, f. 1822, d. 1884, Jóhannssonar bónda í Efra-Langholti, f. 8. október 1791, d. 18. ágúst 1854, Einarssonar, og konu Jóhanns í Efra-Langholti, Guðríðar húsfreyju, f. 1794, d. 6. janúar 1861, Jónsdóttur.
Móðir Einars í Hrauntúni og kona Einars Jóhannssonar var Vigdís húsfreyja, f. 13. september 1833, d. 28. október 1913, Einarsdóttir bónda á Helgastöðum í Biskupstungum 1845, f. 26. ágúst 1791, d. 10. desember 1857, Hafliðasonar, og barnsmóður Einars Hafliðasonar, Kristbjargar vinnukonu, f. 1809, d. 1843, Gottsvinsdóttur.

Móðir Stefaníu og kona Einars í Hrauntúni var Evlalía húsfreyja, f. 19. september 1852, d. 26. júlí 1926, Jónsdóttir vinnumanns í Vallatúni í Holtssókn u. Eyjafjöllum, f. 1833, d. 1876, Stefánssonar bónda í Berjanesi undir Eyjafjöllum 1835, f. 1805, d. 23. apríl 1868, Þorvaldssonar, og og fyrri konu Stefáns, Evlalíu húsfreyju, f. 1794 í Nýjabæ í Útskálasókn, Gull., Benediktsdóttur.
Móðir Evlalíu í Hrauntúni og barnsmóðir Jóns í Vallatúni var Margrét vinnukona í Steinum, f. 12. júlí 1830, d. 17. desember 1915 í Eyjum, Hafliðadóttir bónda í Berjanesi, f. 3. júlí 1800, d. 9. nóvember 1853, Þórarinssonar, og konu Hafliða, Höllu húsfreyju, f. 26. júlí 1796, d. 7. júní 1870, Gunnlaugsdóttur.

Margrét Hafliðadóttir var einnig móðir Guðmundar Þórarinssonar á Vesturhúsum, en hann var faðir
1. Guðleifar, konu Vigfúsar í Holti.
2. Magnúsar á Vesturhúsum; kvæntur Jórunni Hannesdóttur.
3. Höllu, gift Guðjóni Eyjólfssyni á Kirkjubæ.
4. Þórdísar, gift Jóel Eyjólfssyni á Sælundi.

Bróðir Margrétar Hafliðadóttur var Þórarinn Hafliðason mormónatrúboði.
(Sjá Blik 1960: Þórarinn Hafliðason, fyrri hluti og
Blik 1960: Þórarinn Hafliðason, seinni hluti eftir Sigfús M. Johnsen).

Stefanía fluttist til Eyja 1915 frá Biskupstungum.
Maður Stefaníu Einarsdóttur (skildu) var Jón Ólafsson útgerðarmaður á Hólmi, f. 7. mars 1892, d. 21. desember 1946. Börn Stefaníu og Jóns voru:
1. Anna Ólafía Jónsdóttir húsfreyja á Blátindi við Heimagötu, f. 11. október 1917, d. 9. júlí 2007, gift Þorsteini Sigurðssyni, f. 14. nóvember 1913, d. 19. júní 1997.
2. Emilía Eygló Jónsdóttir húsfreyja í Bandaríkjunum, f. 25. október 1925, d. 5. júlí 2009, gift Guðna Kristni Gunnarssyni efnaverkfræðingi, verksmiðjustjóra hjá Coldwater Seafood Corporation í Bandaríkjunum, - frá Brúarhúsi („Horninu“, Vestmannabraut 1), f. 25. október 1925, d. 10. júlí 1984.

---

Heimildir

• Samantekt: Víglundur Þór Þorsteinsson.
• Heimaslóð.
• Manntöl.
• Íslendingabók.is.
• Verkfræðingatal. Ritstjóri: Þorsteinn Jónsson. Þjóðsaga ehf. 1996.