Fanný Friðriksdóttir (Gröf)
Elín Fanný Friðriksdóttir frá Gröf, húsfreyja, forstöðukona saumstofu Þjóðleikhússins fæddist 10. febrúar 1910 í Gröf og lést 28. nóvember 1997.
Foreldrar hennar voru Friðrik Gissur Benónýsson útgerðarmaður, bátsformaður og dýralæknir, f. 14. ágúst 1858, d. 23. ágúst 1943, og kona hans Oddný Benediktsdóttir húsfreyja, f. 15. desember 1864, d. 10. apríl 1940.
Börn þeirra:
1. Sigríður Friðriksdóttir
húsfreyja á Hallgilsstöðum á Langanesi, N-Þing. og í Höfnum í Skeggjastaðhr., N-Múl., síðast í Kópavogi, f. 29. janúar 1885 á Grund u. Eyjafjöllum, d. 5. febrúar 1976.
2. Benedikt Friðriksson skósmíðameistari í Eyjum og Reykjavík, f. 26. febrúar 1887 á Efstu-Grund u. Eyjafjöllum, d. 11. febrúar 1941.
3. Elías Friðriksson vinnumaður í Gröf, f. 25. mars 1888 u. Eyjafjöllum, d. 3. desember 1908.
4. Magnúsína Friðriksdóttir húsfreyja í Eyjum, síðast í Reykjavík, f. 14. maí 1889 á Núpi u. Eyjafjöllum, d. 19. apríl 1983.
5. Friðrik Friðriksson, tvíburi, f. 14. september 1890 á Núpi, d. 11. desember 1890.
6. Gissur Friðriksson, tvíburi, f. 14. september 1890 á Núpi, d. 22. nóvember 1890.
7. Valgerður Friðriksdóttir húsfreyja á Ytri-Brekkum í Þórshafnarhr., N-Þing. um 1914-24, húsfreyja á Ytra-Álandi, Svalbarðssókn, N-Þing. 1923 og 1930, f. 9. febrúar 1892 á Núpi, d. 24. júlí 1957.
8. Ingibjörg Friðriksdóttir, f. 11. febrúar 1894 á Núpi, d. 13. júní 1895.
9. Friðrik Friðriksson, f. 13. maí 1895 á Núpi, d. 25. maí 1895.
10. Anna Friðriksdóttir, f. 24. ágúst 1896 á Núpi, d. 27. apríl 1897.
11. Árný Friðriksdóttir húsfreyja í Eyjum og Reykjavík, síðast á Húsavík, f. 20. mars 1898 á Núpi, d. 8. júlí 1977.
12. Friðrik Friðriksson, f. 25. október 1899 á Núpi, d. 20. maí 1913.
13. Oddný Friðriksdóttir, f. 23. febrúar 1901 á Núpi, d. 25. febrúar 1901.
14. Þorbjörn Friðriksson sjómaður, formaður, síðast í Reykjavík, f. 16. ágúst 1902 í Péturshúsi, d. 4. júní 1977.
15. Benóný Friðriksson skipstjóri, útgerðarmaður, f. 7. janúar 1904 á Kirkjubæ, d. 12. maí 1972.
16. Elísabet Sigríður Friðriksdóttir bústýra á Húsavík, síðast í Reykjavík, f. 2. október 1905 í Gröf, d. 21. apríl 1985.
17. Sólmundur Friðriksson, f. 30. maí 1908, d. 6. júlí 1908.
18. Elín Fanný Friðriksdóttir húsfreyja, forstöðukona saumastofu Þjóðleikhússins, f. 10. febrúar 1910 í Gröf, d. 28. nóvember 1997.
19. Marie Albertine Friðriksdóttir húsfreyja, síðast í Eyjum, f. 7. júlí 1911 í Gröf, d. 23. desember 1989.
Fóstursonur hjónanna, sonur Árnýjar Friðriksdóttur, var
20. Rafn Árnason stýrimaður, f. 30. janúar 1923, d. 7. mars 1958.
Fanný var með foreldrum sínum í æsku.
Hún var vinnukona í Lyngholti hjá Árnýju systur sinni og Jóni Bjarnasyni veitingamanni 1930.
Fanný fluttist til Reykjavíkur, giftist Ágústi 1933. Þau eignuðust eina dóttur 1934.
Hún lærði kjólasaum hjá fröken Herdísi Guðmundsdóttur í Reykjavík og starfaði við saumaskap á eigin vegum þar til hún réð sig til Þjóðleikhússins.
Hún réðst til starfa á saumastofu Þjóðleikhússins á síðari hluta sjötta áratugarins og starfaði þar í 23 ár, fyrst sem yfirsaumakona og síðan sem forstöðukona saumastofunnar í 19 ár.
Ágúst lést 1944.
Fanney eignaðist Ágúst Jónsson með Magnúsi Kjartani 1948.
Hún lést 1997.
I. Maður Fannýjar, (1933), var Jóhann Björgvin Ágúst Jónsson sjómaður, f. 24. júní 1904, d. 4. ágúst 1944. Foreldrar hans voru Jón Árnason frá Móum á Kjalarnesi, skipstjóri og stýrimaður í Reykjavík, f. 28. september 1877, d. 23. júlí 1943, og kona hans Ragnhildur Jónsdóttir frá Breiðholti í Reykjavík, húsfreyja, f. 27. október 1877, d. 24. október 1954.
Barn þeirra:
1. Edda Ágústsdóttir húsfreyja, saumakona við Þjóðleikhúsið, f. 28. október 1934. Maður hennar er Kristján G. Júlíusson.
II. Barnsfaðir Fannýjar var Magnús Kjartan Guðmundsson skipstjóri, stýrimaður, vélstjóri, f. 16. janúar 1924, d. 2. febrúar 2008.
Barn þeirra:
2. Ágúst Jónsson Magnússon matsveinn, f. 28. júní 1948. Kona hans Estelita Elín Buenaventura.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Morgunblaðið 10. desember 1997. Minning.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.