Guðlaug Guðmundsdóttir (Kirkjubæ)
Guðlaug Guðmundsdóttir húsfreyja á Kirkjubæ fæddist 27. maí 1855 og lést 20. nóvember 1931.
Foreldrar hennar voru Guðmundur Eiríksson tómthúsmaður í Smiðjunni, f. 1813 í Skálmarbæ í V-Skaft., d. 11. júní 1867, og kona hans Kristín Björnsdóttir húsfreyja, f. 8. júní 1825, d. 7. febrúar 1860.
Guðlaug var með föður sínum í tómthúsinu Fjósi 1860. Hún var 15 ára niðursetningur á Vilborgarstöðum 1870.
1890 var hún bústýra Magnúsar Eyjólfssonar í Staðarbænum á Kirkjubæ með börnum þeirra, Sigurði 3 ára og Jóni 1 árs. Þar var einnig móðir Magnúsar, Ingibjörg Jónsdóttir 55 ára ekkja.
1901 var Guðlaug gift húsfreyja á Kirkjubæ með Magnúsi og börnunum Sigurði 14 ára, Jóni 12 ára og fósturbarninu Karólínu Dudman 3 ára. Ingibjörg móðir Magnúsar var þar og leigjendurnir Magnús Guðmundsson, síðar í Hlíðarási, kona hans Guðbjörg Magnúsdóttir og sonur þeirra Magnús Guðbergur.
1910 var hún húsfreyja á Kirkjubæ með Magnúsi, Jóni syni þeirra, Karólínu fósturdóttur þeirra og Ingibjörgu tengdamóður Guðlaugar.
Við manntal 1920 bjuggu hjónin á Kirkjubæ. Þar voru einnig hjónin Hólmfríður Þórðardóttir og Jón Magnússon með barnið Sigrúnu.
Þau Magnús slitu samvistir á efri árum og flutti Guðlaug í Vallartún til Jóns sonar síns. Guðlaug lést 1931.
Maður Guðlaugar, (1890), var Magnús Eyjólfsson bóndi og járnsmiður á Kirkjubæ, f. 17. mars 1860, d. 24. júlí 1940.
Börn þeirra hér:
1. Sigurður Magnússon, f. 3. september 1887. Hann hrapaði til bana 24. maí 1902 suður á Flugum.
2. Jón Magnússon bóndi og formaður á Kirkjubæ, f. 10. október 1889, d. 3. desember 1964.
3. Fósturdóttir þeirra var Karólína Dudman Tómasdóttir, f. 27. maí 1898, d. 16. júní 1980.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Minningarrit. Páll Oddgeirsson. Vestmannaeyjum 1952.
Þessi grein tilheyrir Æviskrám Eyjafólks eftir Víglund Þór Þorsteinsson.