Ritverk Árna Árnasonar/Guðjón Björnsson (Gerði)
Guðjón Björnsson frá Gerði fæddist 10. maí 1908 og lést 28. nóvember 1999. Foreldrar hans voru Jónína Jónsdóttir og Björn Erlendsson í Gerði. Kona Guðjóns var Þórey Jóhannsdóttir ættuð frá Hafnarnesi við Fáskrúðsfjörð. Þau bjuggu lengi í húsinu Vallartúni og eignuðust sex börn: Valbjörn, Björgu, Jóhann, Jón Inga, Guðríði, látin, og andvana barn.
Gaui í Gerði, eins og hann var jafnan kallaður, stundaði sjómennsku í tugi ára, en hann var meira og minna á sjónum fram yfir nírætt.
Guðjóns er getið í bjargveiðimannatali Árna Árnasonar, en án sérstakrar umsagnar.
Önnur umfjöllun á Heimaslóð: Guðjón Björnsson (Gerði)