Guðlaug Erla Sigmarsdóttir
Guðlaug Erla Sigmarsdóttir húsfreyja fæddist í Vestmannaeyjum 11. október 1942 og lést 11. maí 2005.
Foreldrar hennar voru Sigmar Guðmundsson, sjómaður og útgerðarmaður frá Norðfirði, f. 28. ágúst 1908, d. 4. júlí 1989, og Þórunn Júlía Sveinsdóttir, húsmóðir Vestmannaeyjum, f. 8. júlí 1894 á Eyrarbakka, d. 20. maí 1962.
Albróðir Erlu var Gísli Matthías Sigmarsson, skipstjóri og útgerðarmaður, f. 9. október 1937, d. 6. júní 2020.
Hálfsystkini Erlu, sammæðra, eru
- Ingólfur Símon Matthíasson, skipstjóri og útgerðarmaður, f. 17. desember 1916, d. 18. október 1999;
- Sveinn Matthíasson, útgerðarmaður og matsveinn, f. 14. ágúst 1918, d. 15. nóvember 1998;
- Óskar Matthíasson, skipstjóri og útgerðarmaður, f. 22. mars 1921, d. 21. desember 1992;
- Gísli Matthías Matthíasson, f. 7. apríl 1925, d. 27. maí 1933;
- Matthildur Þórunn Matthíasdóttir, húsmóðir, f. 13. júní 1926, d. 6. nóvember 1986.
Uppeldisbróðir Erlu er
Sigmar Þór Sveinbjörnsson, stýrimaður, f. 23. mars 1946.
Systkini Erlu bjuggu öll í Vestmannaeyjum.
Erla giftist 23. desember 1969 Jörgen Naaby, sjómanni og útgerðarmanni, trillukarli, f. í Reykjavík 10. apríl 1940. Foreldrar hans voru Olfert Nåby, píanóleikari frá Reykjavík, f. 13. júní 1903, d. 28. júní 1942, og Laufey Jörgensdóttir, húsmóðir frá Reykjavík, f. 12. desember 1915, d. 24. september 1974.
Börn Erlu eru:
1. Sigmar Þröstur Óskarsson, f. 24. desember 1961, maki Vilborg Friðriksdóttir, f. 23. nóvember 1965.
Börn Sigmars: Friðrik Þór, f. 30. september 1989, Erla Rós, f. 2. nóvember 1996, Daníel Már, f. 26. apríl 2000, og Andri Snær, f. 23. nóvember 2004. Faðir Sigmars er Óskar Þórarinsson, skipstjóri, útgerðarmaður frá Vestmannaeyjum, f. 24. maí 1940.
2. Þórunn Júlía Jörgensdóttir, f. 16. desember 1965, maki Ólafur Þór Snorrason, f. 23. ágúst 1968. Börn: Arna Þyrí, f. 28. mars 1997, og Jörgen Freyr, f. 5. janúar 1999.
3. Auðunn Jörgensson, f. 3. júlí 1969. Barnsmóðir hans Dagmar Svava Jónsdóttir, f. 19. janúar 1970. Sonur þeirra Aron Jörgen, f. 11. ágúst 1991.
4. Laufey Jörgensdóttir, f. 8. ágúst 1975, maki Jónas Þór Friðriksson, f. 12. ágúst 1970.
Erla fæddist á Byggðarenda við Brekastíg 15a í Vestmannaeyjum og ólst þar upp. Lengst af bjó hún síðan við Bröttugötu 17 í Vestmannaeyjum. Erla gekk í Barna- og Gagnfræðaskóla Vestmannaeyja. Á yngri árum stundaði hún ýmis verslunarstörf, en lengst af vann hún við fiskvinnslu í Vinnslustöð Vestmannaeyja og seinustu árin vann hún í Kertaverksmiðjunni Heimaey.
Erla lést á Landspítalanum við Hringbraut 11. maí 2005.
Heimildir
- Samantekt: Víglundur Þór Þorsteinsson.
- Íslendingabók.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.