Ólöf Ólafsdóttir (Dölum)
Ólöf Ólafsdóttir húsfreyja í Dölum fæddist 1838 í Jórvík í Álftaveri, V-Skaft. og lést 23. janúar 1920 á Syðri-Fljótum í Meðallandi.
Foreldrar hennar voru Ólafur Jónsson bóndi, f. 26. júní 1799 á Leiðvelli í Meðallandi og kona hans Ástríður Þorbjörnsdóttir húsfreyja frá Dalahjalli, f. 22. september 1799 í Bakkahjáleigu í A-Landeyjum, d. 29. apríl 1883 í Ytri-Skógum u. Eyjafjöllum.
Hún fylgdi foreldrum sínum faman af ævi, var vinnukona 1857-1862, húsfreyja í Nýjabæ í V-Skaft. 1862-1864.
Ólöf fluttist til Vestmannaeyja 1864. Þar var hún húsfreyja í Dölum 1870, en fór þaðan 1878 og var vinnukona víða í V-Skaft. til 1901, en lausakona 1901-æviloka 1920.
I. Maður Ólafar, (15. júlí 1861) var Jón Jónsson bóndi í Dölum, f. 29. september 1837 á Kvíabóli í Mýrdal, drukknaði 13. mars 1874, er Gaukur fórst við Klettsnef.
Börn Ólafar og Jóns í Dölum:
1. Jóhanna Jónsdóttir húsfreyja, f. 26. ágúst 1862 í Nýjabæ í Meðallandi. Hún ólst upp í Eyjum, giftist Guðjóni Péturssyni, f. 1857, d. 1899. Þau bjuggu í Hellisfirði í S-Múl.. Orðin ekkja fluttist hún til Vesturheims með börn sín tvö 1902.
2. Ólína Jónsdóttir, f. 24. desember 1864, d. 25. ágúst 1938. Hún ólst upp í Presthúsum hjá Jóni Jónssyni og Ingibjörgu Stefánsdóttur. Hún fluttist til Vesturheims 1885, nefndi sig Goodman.
3. Önundur Jónsson, f. 15. mars 1868, d. 19. janúar 1872 „úr andarteppuhósta“.
4. Ásbjörn Jónsson bóndi á Syðri-Fljótum í Meðallandi, f. 6. mars 1871 í Dölum, d. 15. nóvember 1922, kvæntur Sigríði húsfreyju Sveinsdóttur.
II. Barn Ólafar með Jóni Magnússyni, kvæntum húsmanni á Kirkjubæ:
5. Una Jónsdóttir skáldkona á Sólbrekku, f. 31. janúar 1878, d. 29. febrúar 1960.
Heimildir
- Samantekt: Víglundur Þór Þorsteinsson.
- Blik 1963: Una Jónsdóttir skáldkona.
- Prestþjónustubækur.
- Vestur-Skaftfellingar 1703-1966. Björn Magnússon. Leiftur 1970-1973.