Ólöf Jónsdóttir (Nýjabæ)

Ólöf Jónsdóttir húsfreyja í París fæddist 1855 í Krosssókn í Landeyjum og lést líklega í Vesturheimi.
Móðir hennar var Sigríður Hjaltadóttir vinnukona í Nýjabæ, f. 9. ágúst 1818, d. 9. desember 1880.

Móðursystkini Ólafar í Eyjum voru:
1. Sveinn Hjaltason bóndi og lóðs á Vesturhúsum, f. 3. desember 1815, d. 23. júní 1879.
2. Filippus Hjaltason vinnumaður í Nöjsomhed, f. 12. maí 1820.
3. Eyjólfur Hjaltason á Löndum, sjávarbóndi 1870, bókbindari í Kornhól, f. 19. desember 1821.
4. Björn Hjaltason vinnumaður, sjómaður, f. 10. júní 1843, drukknaði 26. mars 1842.
Hálfbræður Sigríðar, synir Gyðríðar og Þorkels Jónssonar síðari manns hennar:
5. Jón Þorkelsson vinnumaður á Vesturhúsum, tómthúsmaður í Grímshjalli, f. 18. september 1826.
6. Guðmundur Þorkelsson vinnumaður á Vesturhúsum, f. 2. mars 1828, d. 7. mars 1859.

Bróðursonur Sigríðar Hjaltadóttur var Þórður Hjaltason á Steinsstöðum.

Ólöf var fósturbarn hjá Kristínu Einarsdóttur húsfreyju í Nýjabæ, síðan vinnukona þar. Hún var húsfreyja í París við fæðingu Þorsteins 1887, en að nýju vinnukona í Nýjabæ við brottför til Vesturheims 1889, en Jón maður hennar fór vestur 1888.
I. Maður hennar, (1. mars 1885), var Jón Kristinn Arnoddsson, þá vinnumaður í Nýjabæ, síðar búandi í París, f. 12. júlí 1862, d. 1. janúar 1942 Vestanhafs.
Börn þeirra hér:
1. Kristín Sigríður Jónsdóttir húsfreyja í Hólshúsi, f. 24. september 1883, d. 27. maí 1957.
2. Þorsteinn Jónsson, f. 14. desember 1887. Hann fór til Vesturheims með móður sinni 1889.

---

Heimildir

• Samantekt: Víglundur Þór Þorsteinsson.
• Manntöl.
• Prestþjónustubækur.
• Vesturfaraskrá 1870-1914. Júníus H. Kristinsson. Sagnfræðistofnun Háskóla Íslands 1983.