„Ebba Þorsteinsdóttir (Laufási)“: Munur á milli breytinga
(Ný síða: '''Ebba Þorsteinsdóttir''' húsfreyja, sjúkrahússtarfsmaður frá Laufási fæddist 19. maí 1927 og lést 14. október 1987.<br> Foreldrar hennar voru [[Þorsteinn Jónsson (Lau...) |
m (Verndaði „Ebba Þorsteinsdóttir (Laufási)“ ([edit=sysop] (ótiltekinn))) |
(Enginn munur)
| |
Útgáfa síðunnar 9. maí 2014 kl. 21:53
Ebba Þorsteinsdóttir húsfreyja, sjúkrahússtarfsmaður frá Laufási fæddist 19. maí 1927 og lést 14. október 1987.
Foreldrar hennar voru Þorsteinn Jónsson formaður í Laufási, f. 14. október og Elínborg Gísladóttir húsfreyja, f. 1. nóvember 1883, d. 5. mars 1974.
Ebba lauk gagnfræðaprófi 1943 með fyrstu einkunn. Hún starfði við Landssímastöðina í Eyjum í nokkur ár.
Hún vann við símavörslu hjá St. Jósefsspítala í Hafnarfirði 1978-1987.
„Við kynntumst Ebbu fyrir 9 árum þegar hún hóf störf á St. Jósefsspítala í Hafnarfirði. Það kom fljótt í ljós að þarna var kona er bar af sér góðan þokka og reyndist auk þess mikill kvenkostur. Það var ávallt reisn yfir Ebbu. Ebba var hávaxin kona, bein í baki og eftir henni var tekið er hún gekk eftir göngunum, hún var svo tíguleg. Allt hennar viðmót var þægilegt. Hún var glaðlynd og reyndi að vinna það besta úr öllu. Og alltaf var hún jákvæð, hvað sem á dundi og tók öllu sem að höndum bar með jafnaðargeði. Ebba hafði alla þá kosti að bera sem til þurfti í oft erilsömu starfi.“ (Samstarfsfólk St. Jósefsspítala í minningu í Mbl. 1. nóv. 1987).
Þau Bárður hófu búskap sinn að Kirkjubóli, en byggðu fljótlega hús við Austurveg 4, þar sem þau bjuggu til Goss. Þá fluttust þau á Reykjavíkursvæðið og byggðu hús að Hofslundi 9 í Garðabæ. Þar bjuggu þau meðan Ebbu entist heilsa og líf.
Maður Ebbu, (20. nóvember 1947), var Bárður Auðunsson skipasmíðameistari, f. 2. nóvember 1925, d. 10. desember 1999.
Börn Ebbu og Bárðar:
1. Steinunn Bárðardóttir, húsfreyja og dagmóðir, lærð hárgreiðslukona, f. 12. september 1949. Maki: Ísak Möller rekstrarstjóri.
2. Herjólfur bátasmíðameistari, f. 29. mars 1953. Kona hans er Ragnhildur Mikaelsdóttir húsfreyja frá Húsavík
3. Auður Bárðardóttir geðhjúkrunarfræðingur, f. 6. ágúst 1956. Maki: Þröstur Björgvinsson sálfræðingur.
4. Elínborg Bárðardóttir læknir, f. 26. maí 1960. Maki: Ólafur Þór Gunnarsson læknir.
5. Ásta Bárðardóttir kennari, f. 29. október 1961. Maki: Páll Kolka Ísberg sérfræðingur, skilin.
Heimildir
- Samantekt: Víglundur Þór Þorsteinsson.
- Skýrsla um Gagnfræðaskólann í Vestmannaeyjum skólaárin 1930-1943. Reykjavík 1943.
- Morgunblaðið 23. október 1987. Minning. Ingólfur Arnarson.