Ósk Snorradóttir (Hlíðarenda)

Óafía Ósk Snorradóttir.

Ólafía Ósk Snorradóttir frá Hlíðarenda, skrifstofumaður, gjaldkeri fæddist þar 28. nóvember 1908 og lést 13. september 2005 á Heilbrigðisstofnuninni.
Foreldrar hennar voru Snorri Tómasson útgerðarmaður, skósmíðameistari, f. 11. október 1867 á Arnarhóli í V.-Landeyjum, d. 28. nóvember 1936, og kona hans Ólafía Ólafsdóttir frá Brekkkum í Mýrdal, húsfreyja, f. þar 15. ágúst 1871, d. 27. desember 1952.

Börn Ólafíu og Snorra:
1. Ágústa Þuríður Snorradóttir, tvíburi, verkakona, f. 20. ágúst 1900 í Sjóbúð, d. 31. desember 1983.
2. Andvana meybarn, tvíburi, f. 20. ágúst 1900.
3. Júlíus Sölvi Snorrason útgerðarmaður, vélstjóri, f. 26. júlí 1903, d. 8. febrúar 1993.
4. Tómas Bergur Snorrason bakarameistari, f. 28. apríl 1907, d. 28. júlí 1970.
5. Ólafía Ósk Snorradóttir skrifstofukona, gjaldkeri, f. 28. nóvember 1908, d. 13. september 2005.
6. Jóhann Hafsteinn Snorrason verkstjóri, f. 22. febrúar 1911, d. 10. nóvember 1960.
7. Theodóra Margrét Snorradóttir húsfreyja, f. 12. júní 1913, d. 22. mars 1943 á Vífilsstöðum.

Ósk var með foreldrum sínum.
Hún hóf störf 18 ára í Vöruhúsinu hjá Einari Sigurðssyni. Hún flutti á skrifstofu Hraðfrystistöðvarinnar um tvítugt og var þar skrifstofumaður og gjaldkeri í 60 ár.
Ósk bjó á Hlíðarenda með Júlíusi og Ágústu. Hún var ógift. Þau systkinin fóstruðu þrjú börn systkina sinna.
Ósk lést 2005.
Fósturbörn:
1. Ólafía, f. 1938, dóttir Theodóru og Ásmundar Steinssonar.
2. Jarþrúður Júlíusdóttir, f. 1947, d. 1997, dóttir Jarþrúður Jónsdóttir og Júlíusar Sölva Snorrasonar.
3. Snorri Ólafur Hafsteinsson, f. 1953, sonur Ástu Björnsdóttur og Hafsteins Snorrasonar.

---

Heimildir

• Samantekt: Víglundur Þór Þorsteinsson.
• Íslendingabók.
• Morgunblaðið 24. september 2005. Minning.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---