Nanna Guðjónsdóttir (Austurvegi 22)

Nanna Guðjónsdóttir húsfreyja fæddist 27. september 1928.
Faðir hennar var Guðjón húsmaður í Svínaskógi á Fellsströnd 1930, síðar bóndi á Kjarlaksstöðum þar, f. 31. ágúst 1896, d. 28. febrúar 1983, Jóhannesson bónda á Valþúfu á Fellsströnd, Dalasýslu 1890, síðar í Ásgarði, f. 23. janúar 1859, d. 5. maí 1899, Jónssonar bónda á Hellu á Fellsströnd 1870, Guðmundssonar og konu Jóns á Hellu, Þórunnar Jónsdóttur.
Móðir Guðjóns í Svínaskógi og kona Jóhannesar á Valþúfu var Elínborg húsfreyja og ljósmóðir í Rauðbarðaholti, f. 11. janúar 1864, d. 28. ágúst 1939, Jónasdóttir bónda í Litlu-Tungu á Fellsströnd, síðar í Skógum þar, f. 2. nóvember 1828, d. 16. maí 1908, Jónssonar, og konu Jónasar, Kristbjargar húsfreyju, f. 17. mars 1838, d. 2. nóvember 1918, Einarsdóttur.

Móðir Nönnu og kona Guðjóns Jóhannessonar var Jensína Katrín, f. 26. ágúst 1889, d. 15. júlí 1929, Ólafsdóttir bónda á Hömrum í Stóra-Vatnshornssókn í Dalasýslu 1910, síðast á Vatni í Haukadal, f. 12. maí 1850, d. 27. ágúst 1929, Brandssonar bónda á Orrahóli 1855, f. 27. nóvember 1798, d. 2. ágúst 1881, Jónssonar, og konu Brands, Guðrúnar húsfreyju, f. 1808, d. 24. janúar 1885, Jónsdóttur.
Móðir Jensínu Katrínar og kona Ólafs á Hömrum var Katrín húsfreyja, síðast á Vatni, f. 2. febrúar 1851, d. 15. desember 1927, Jónsdóttir bónda í Köldukinn á Fellsströnd og víðar, f. 10. nóvember 1822, d. 26. ágúst 1907, Þorgeirssonar og konu Jóns, Halldóru húsfreyju, f. 12. nóvember 1829, d. 9. september 1900, Jónsdóttur.

Nanna var fóstruð af hjónunum í Skógum á Fellströnd, þeim Jóhanni Jónassyni bónda, f. 20. október 1867, d. 30. ágúst 1951 og Margréti Júlíönu Sigmundsdóttur, f. 12. júlí 1876, d. 29. ágúst 1968, húsfreyju, frá 4 mánaða aldri.
Hún hleypti heimdraganum um tvítugt og vann á heimili á vegum Kleppsspítala. Síðan vann hún í mötuneyti á Selfossi í 3 ár. Þá var hún í kaupavinnu undir Eyjafjöllum. Þaðan lá leiðin til Eyja um haustið 1953 og þar hefur hún búið í 60 ár.
Þau Ágúst giftust 31. desember 1954.
Ágúst hafði byggt hluta íbúðarhússins að Austurvegi 22, er þau kynntust, og fluttust þau í húsið 1955.
Við Gos fluttu þau til Reykjavíkur, síðan í Hveragerði, en voru komin til Eyja innan árs.
Bjuggu þau að Heiðarvegi 61.

Maður Nönnu var, (31. desember 1954), Ágúst Ólafsson smiður og smábátaútgerðarmaður (trillukarl) frá Gíslholti, f. 1. ágúst 1927, dáinn 29. júlí 2003.
Börn Nönnu og Ágústs:
1. Jóhann Grétar Ágústsson, 7. júní 1955, ókvæntur.
2. Jóna Kristín Ágústsdóttir, f. 9. ágúst 1857, gift Birgi Guðjónssyni Magnússonar.
3. Salbjörg Ágústsdóttir, f. 24. febrúar 1959, gift Ósvaldi Tórshamar.
4. Jenný Ágústsdóttir, f. 2. janúar 1961, ógift.
5. Ólafur Gísli Ágústsson, f. 15. ágúst 1965, kvæntur Báru Kristinsdóttur Ástgeirssonar.
6. Jón Eysteinn Ágústsson, f. 19. október 1970.

---

Heimildir

• Samantekt: Víglundur Þór Þorsteinsson.
• Nanna Guðjónsdóttir.
• Manntöl.
• Íslendingabók.is.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---