Helga Arnþórsdóttir

Helga Arnþórsdóttir frá Eyjum, húsfreyja, kennari fæddist 12. september 1952.
Foreldrar hennar voru Arnþór Árnason frá Garði í Mývatnssveit, kennari, f. 28. október 1904, d. 19. október 1983, og kona hans Helga Lovísa Jónsdóttir frá Vatnsleysu í Viðvíkursveit í Skagafirði, húsfreyja, f. 9. júní 1912, d. 25. febrúar 2000.

Börn Helgu og Arnþórs:
1. Ásrún Björg Arnþórsdóttir, f. 26. mars 1938 á Norðfirði, d. 6. október 2017. Fyrrum maður hennar Hálfdán Ágúst Jónsson. Maður hennar Sigmundur Indriði Júlíusson.
2. Árni Jón Arnþórsson, f. 4. júlí 1944. Kona hans Ragnhildur Ásmundsdóttir.
3. Drengur, f. 30. ágúst 1949, d. 2. september 1949.
4. Helga Arnþórsdóttir, f. 12. september 1952 í Eyjum. Maður hennar Bjarni Sigurðsson.

Helga var með foreldrum sínum, í Viðey við Vestmannabraut 30 og í Fagranesi við Faxastíg 34.
Hún lauk barcelors- og mastersprófi í kennslufræðum í Bandaríkjunum.
Helga var kennari í Hlíðardalsskóla í Ölfusi, í Ghana í Afríku í 2 ár, í Hlíðaskóla og Foldaskóla í Rvk og Vatnsendaskóla í Kópavogi.
Þau Bjarni giftu sig 1977, eignuðust tvö börn. Þau búa í Kópavogi.

I. Maður Helgu, (20. júlí 1977), er Bjarni Sigurðsson frá Hafnarfirði, verkfræðingur, f. þar 11. apríl 1956. Foreldrar hans Sigurður Bjarnason kennari, prestur í Rvk, f. 9. desember 1930, d. 14. desember 1994, og kona hans Aðalheiður Ólafsdóttir skrifstofumaður, f. 15. október 1931, d. 16. mars 2015.
Börn þeirra::
1. Rakel Ýr Bjarnadóttir, deildarstjóri yfir ,,student services“ í LaSierra í Californíu, f. 12. febrúar 1979 í Rvk. Maður hennar Gerald Engles.
2. Rebekka Bjarnadóttir, verkfræðingur hjá Samskipum, f. 2. janúar 1987 í Bandaríkjunum. Maður hennar Davíð Jónsson.

---

Heimildir

• Samantekt: Víglundur Þór Þorsteinsson.
• Helga.
• Íslendingabók.
• Morgunblaðið. Minning Aðalheiðar Ólafsdóttur.
• Prestþjónustubækur.
• Verkfræðingatal. Ritstjóri: Þorsteinn Jónsson. Þjóðsaga ehf. 1996.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---