„Guðni Sigurþór Ólafsson“: Munur á milli breytinga
Ekkert breytingarágrip |
m (Verndaði „Guðni Sigurþór Ólafsson“ ([Breyta=Leyfa aðeins stjórnendur] (ótiltekinn) [Færa=Leyfa aðeins stjórnendur] (ótiltekinn))) |
(Enginn munur)
| |
Núverandi breyting frá og með 11. september 2019 kl. 11:14
Sjá aðgreiningarsíðuna fyrir aðra sem hafa borið nafnið „Guðni Ólafsson“
Guðni Sigurþór Ólafsson fæddist að Steinum A-Eyjafjöllum 25. apríl 1899 og lést í Reykjavík 12. ágúst 1981. Guðni flutti frá Steinum til Vestmannaeyja árið 1927 og bjó á Faxastíg 31.
Frekari umfjöllun
Guðni Sigurþór Ólafsson á Faxastíg 31, verkamaður fæddist 25. apríl 1899 í Steinum u. Eyjafjöllum og lést 12. ágúst 1981.
Foreldrar hans voru Ólafur Símonarson bóndi og verkamaður frá Steinum, síðar í Eyjum, f. 18. september 1872, d. 7. júlí 1953, og fyrri kona hans Þórdís Ólafsdóttir húsfreyja, f. 7. desember 1859 í Holti u. Eyjafjöllum, d. 1. júní 1927.
Börn Ólafs og Þórdísar:
1. Guðjón Símon Ólafsson, f. 21. nóvember 1897, d. 26. nóvember 1929.
2. Guðni Sigurþór Ólafsson, f. 25. apríl 1899 í Steinum, d. 12. ágúst 1981.
Barn Ólafs og Sigurborgar Eyjólfsdóttur verkakonu:
3. Árni Ólafsson fiskimatsmaður í Túni, f. 5. september 1898, d. 22. september 1959.
Guðni var með foreldrum sínum í Steinum í æsku, með þeim 1901 og enn 1920.
Þau Aðalheiður giftu sig 1925 og fluttust til Eyja á því ári.
Þau eignuðust þrjú börn, bjuggu í Haga 1926, í Ártúni 1927 og enn 1930, en voru komin á Faxastíg 31 1934 og bjuggu þar síðan meðan báðum entist líf.
Guðni lést 1981, jarðsettur í Reykjavík. Aðalheiður flutti til Reykjavíkur, bjó síðast í Bólstaðarhlíð 68 og lést 1990.
Kona Guðna Sigurþórs, (1925), var Aðalheiður Ólafsdóttir frá Vestri-Torfastöðum í Fljótshlíð, húsfreyja, f. 5. nóvember 1901, d. 28. desember 1990.
Börn þeirra:
1. Ellý Dagmar Guðnadóttir húsfreyja, f. 23. janúar 1926 í Haga, d. 27. apríl 2016 í Hlíð á Akureyri. Maður hennar var Gunnar Tryggvi Óskarsson múrarameistari á Akureyri, f. 13. mars 1925, d. 3. september 2007.
2. Guðjóna Þórey Guðnadóttir húsfreyja, bankastarfsmaður í Kópavogi, f. 30. nóvember 1930 í Ártúni, Vesturvegi 20, d. 23. maí 2006. Maður hennar Þór Pálsson verkstjóri, bifreiðastjóri, f. 15. ágúst 1934, d. 4. janúar 2017.
3. Marta Júlía Guðnadóttir, húsfreyja, f. 30. nóvember 1930 í Ártúni, d. 18. október 2018. Síðari sambýlismaður hennar er Skúli Matthíasson, f. 6. nóvember 1934.
Heimildir
- Samantekt: Víglundur Þór Þorsteinsson.
- Garður.is.
- Íslendingabók.is.
- Manntöl.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.
