Erling Pétursson (Karlsbergi)

Sigurður Erling Pétursson.

Sigurður Erling Pétursson frá Karlsbergi við Heimagötu 20, skipstjóri, útgerðarmaður fæddist 25. október 1942 í Fagradal í Mýrdal.
Foreldrar hans voru Guðni Pétur Sigurðsson vélstjóri, skipstjóri, síðast á Eyrarbakka, f. 30. júlí 1921 á Hjalla, d. 16. mars 2012, og kona hans Guðríður Ólafsdóttir frá Fagradal í Mýrdal, húsfreyja, síðast á Eyrarbakka, f. 21. október 1919, d. 21. október 1984.

Erling stundaði sjómennsku frá 15 ára aldri, lauk vélstjóraprófi 1959, fékk 500 ha réttindi, og fiskimannaprófi frá Stýrimannaskólanum í Reykjavík 1964.
Hann var í byrjun einkum vélstjóri, en skipstjóri frá 1966, einnig útgerðarmaður um skeið frá 1968.
Erling var fyrst formaður á Ver VE 200, síðan Eyjaveri VE 111, þá Surtsey VE 2, Eyjaveri VE 7 og Bugi VE 111 og að síðustu skipstjóri á Freyju RE 38 í 24 ár.
Þau Jóhanna Guðrún giftu sig 1962, eignuðust fjögur börn. Þau bjuggu fyrst á Austurvegi 22, þá á Heiðarvegi 20, Ásavegi 12. Þá keyptu þau húsið Hásteinsveg 36. Þau byggðu húsið Höfðaveg 36 1972.
Þau sneru aftur að Höfðavegi 36 um haustið 1973 og bjuggu þar til 1982, er þau fluttu á Selfoss og þar bjuggu þau til 1987, er þau skildu samvistir. Erling fluttist þá til Reykjavíkur. Hann keypti jörðina Vatnsholt 1 í Flóa, flutti þangað 1992 og stundar þar hrossarækt.
Erling og Aðalheiður giftu sig 1995 og eignuðust Víking Frey 1996. Auk þess elur Erling upp tvo syni Aðalheiðar frá fyrra sambandi hennar.

Erling er tvíkvæntur.
I. Fyrri kona hans, (12. maí 1962, skildu), var Jóhanna Guðrún Jónsdóttir húsfreyja, ráðgjafi, f. 20. desember 1942 í Þorlaugargerði.
Börn þeirra:
1. Pétur Erlingsson sjómaður á Sauðárkróki og nú skipstjóri á Gullhólmi frá Grundarfirði, f. 17. nóvember 1961 í Reykjavík. Kona hans er Aðalbjörg Anna Gunnarsdóttir verslunarmaður, f. 19. júlí 1965.
2. Guðrún Erlingsdóttir húsfreyja, bæjarfulltrúi í Eyjum, verkalýðsleiðtogi, varaþingmaður, BA-atvinnulífsfræðingur, nemur fréttamennsku, f. 18. október 1962 í Eyjum. Maður hennar er Gylfi Sigurðsson trésmiður, f. 26. janúar 1959.
3. Erling Erlingsson framreiðslumaður, sjómaður í Reykjavík, nú skipstjóri á Steinunni frá Höfn, f. 25. október 1965 í Eyjum. Kona hans er Arnheiður Edda Rafnsdóttir bankastarfsmaður, f. 9. maí 1965.
4. Berglind Erlingsdóttir húsfreyja, matartæknir, mannfræðingur, f. 15. desember 1974 í Eyjum, búsett í Portland í Oregon í Bandaríkjunum. Maður hennar er Dr. Styrmir Sigurjónsson verkfræðingur, f. 14. apríl 1974. Hann vinnur við líftækni. Hann er sonarsonur Jóhönnu Sigurjónsdóttur Sigurðssonar frá Þingeyri.

II. Síðari kona Erlings, (20. maí 1995), er Aðalheiður Sveinbjörnsdóttir úr Svarfaðardal, húsfreyja, elliheimilisstarfsmaður, f. 23. maí 1960.
Barn þeirra er
5. Víkingur Freyr Erlingsson, f. 20. ágúst 1996.
Börn Aðalheiðar og Leós Óskarssonar og fósturbörn Erlings eru:
6. Sveinbjörn Leósson, f. 14. ágúst 1982.
7. Ágúst Leósson, f. 24. mars 1984.

---

Heimildir

• Samantekt: Víglundur Þór Þorsteinsson.
• Íslendingabók.is.
• Knudsensætt 1-2. Ritstjóri Þorsteinn Jónsson. Sögusteinn 1986
• Prestþjónustubækur.
• Sigurður Erling Pétursson.
• Skipstjóra- og stýrimannatal. Guðmundur Jakobsson. Ægisútgáfan 1979.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---