Guðbjörg Daníelsdóttir (Vilborgarstöðum)

Guðbjörg Daníelsdóttir húsfreyja á Vilborgarstöðum fæddist 28. febrúar 1801 á Skúmsstöðum í V-Landeyjum og lést 27. desember 1888.
Foreldrar hennar voru Daníel Bjarnason tómthúsmaður í Saurbæ, f. 1777 í Varmadal á Rangárvöllum, d. 22. apríl 1845 á Vilborgarstöðum og barnsmóðir hans Þuríður Árnadóttir vinnukona á Skúmsstöðum í V-Landeyjum, f. um 1770, d. 25. ágúst 1821.

Hálfsystkini Guðbjargar voru
1. Þuríður Daníelsdóttir húsfreyja á Vesturhúsum.
2. Jón Daníelsson vinnumaður í Godthaab.
3. Elín Daníelsdóttir, f. 15. maí 1831, d. 18. maí 1831. Móðir hennar var Elín Guðmundsdóttir í Steinmóðshúsi.
4. Daníel Daníelsson, f. 26. mars 1828, d. 9. apríl 1828. Móðir hans var Vilborg Pétursdóttir, síðar á Löndum.

Guðbjörg var vinnukona á Eystri-Klasbarða í V-Landeyjum 1816, í Fíflholtshjáleigu þar 1823, er hún eignaðist Þuríði.
Hún var húsfreyja á Vilborgarstöðum 1835, 1845 og 1850, húsfreyja og ekkja þar 1855 með sonum sínum Bergi 19 ára og Ólafi 11 ára.
Við manntal 1860 voru hjá henni synirnir Bergur og Ólafur, vinnukonan Sigþrúður Ormsdóttir, ógift með barnið Elíabetu Bergsdóttur 3 ára og þar var niðursetningurinn Jón Einarsson 4 ára.
Við manntal 1870 var Guðbjörg 70 ára niðursetningur á Gjábakka, en 1880 var hún hjá Þuríði dóttur sinni á Steinsstöðum.
Hún lést 1888 á Steinsstöðum.

I. Barnsfaðir Guðbjargar var Jón Jónsson vinnumaður, f. um 1791.
Barn þeirra var
1. Þuríður Jónsdóttir húsfreyja í Hólshúsi og á Steinsstöðum, f. 15. mars 1823 í Fíflholtshjáleigu í V-Landeyjum, d. 9. mars 1903.

II. Maður Guðbjargar, (1831), var Magnús Ólafsson sjómaður, f. 1801, d. 9. júlí 1851.
Börn þeirra Guðbjargar og Magnúsar voru. (Ath., að ginklofinn var iðulega skráður Barnaveiki, Barnaveikin, algeng Barnaveiki, þessi almenna Barnaveiki eða Vestmannaeyja Barnaveikin, t.d.):
2. Guðríður Magnúsdóttir, 18. júní 1827, d. 25. júní 1827 úr „Barnaveiki“, sennilega ginklofi.
3. Rannveig Magnúsdóttir, f. 30. júlí 1828, d. 6. ágúst 1828 úr „Barnaveiki“, sennilega ginklofi.
4. Kristín Magnúsdóttir, f. 7. desember 1829, d. 15. desember 1829 úr „Barnaveiki“, sennilega ginklofi.
5. Magnús Magnússon, f. 7. maí 1831, d. 16. maí 1831 úr „Barnaveiki“, sennilega ginklofi.
6. Guðrún Magnúsdóttir, f. 5. desember 1832, d. 12. desember 1832 úr „Barnaveiki“, sennilega ginklofi.
7. Vilborg Magnúsdóttir, f. 8. júlí 1834, d. 15. júlí 1834 úr „Barnaveiki“, sennilega ginklofi.
8. Guðfinna Magnúsdóttir, f. 14. nóvember 1835, d. 20. nóvember 1835 úr „Barnaveiki“, sennilega ginklofi.
9. Bergur Magnússon sjómaður, f. 29. ágúst 1837, hrapaði í Dufþekju 23. ágúst 1866.
10. Sigurður Magnússon, f. 2. nóvember 1842, d. 24. nóvember 1842 úr ginklofa.
11. Ólafur Magnússon formaður og hagyrðingur, f. 15. apríl 1845, d. 4. október 1927.

---

Heimildir

• Samantekt: Víglundur Þór Þorsteinsson.
• Íslendingabók.is.
• Landeyingabók – Austur-Landeyjar. Valgeir Sigurðsson og fleiri. Ritstjóri: Ragnar Böðvarsson. Austur-Landeyjahreppur, Gunnarshólma 1999.
• Manntöl.
• Prestþjónustubækur.
• Saga Vestmannaeyja. Sigfús M. Johnsen. Ísafoldarprentsmiðja h.f. 1946.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---