Skipstjóra- og stýrimannafélagið Verðandi

Merki félagsins.

Skipstjóra- og stýrimannafélagið Verðandi var stofnað 27. nóvember 1938.

Tildrög að stofnun félagsins voru þau að skipstjórar og stýrimenn í Vestmannaeyjum vildu stofna til samstarfs vegna ýmisa nauðsynamála eins og til dæmis að reisa vista á Þrídröngum og vinna að hagsmunum og betri launakjörum skipstjóra og stýrimanna. Þann 27. nóvember árið 1938 var svo haldinn stofnfundur og voru stofnendur alls 60 manns. Fundurinn var haldinn í KFUM & K húsinu. Kosið var í stjórn og fyrsta stjórnin var skipuð eftirfarandi:

Árni Þórarinsson formaður, Sighvatur Bjarnason varaformaður, Sigfús Scheving ritari, Ármann Friðriksson vararitari, Magnús Karl Guðmundsson gjaldkeri, Jónas Bjarnason varagjaldkeri. Endurskoðendur félagsins voru þeir Guðjón Tómasson og Runólfur Jóhannsson.

Verðandi hefur verið frumkvöðull í því sem kemur björgunarmálum og öryggi sjómanna við. Vegna samvinnu Verðanda og Björgunarfélags Vestmannaeyja var komið á tilkynningaskyldu meðal báta 20 árum áður en hún var gerð að skyldu annars staðar. Einnig gerði félagið það að skyldu að hafa gúmmíbjörgunarbáta í borð í skipum frá Vestmannaeyjum.

Einnig var Verðandi að reyna koma á hömlum gegn fiskveiðum því fiskistofninn væri orðinn illa á sig kominn. En fiskifræðingar og stjórnmálamenn töldu þetta vera bull og sögðu að það veri nóg af fiski í sjónum. Ef hlustað hefði verið á Verðandamenn, væru fiskistofnar líklega í betra ástandi en þeir eru núna.

Árið 1964 fékk félagið sitt eigið húsnæði þegar frú Bjarngerður Ólafsdóttir gaf félaginu neðstu hæð Sólhlíðar 19 í húsinu Stóru-Heiði. Það var gefið í minningu eiginmanns hennar, Guðjóns Jónssonar skipstjóra. Það hús var rifið nokkrum árum síðar en aðsetur félagsins hefur um margra ára skeið verið í Básum á Básaskersbryggju þar sem er félagsaðstaða nokkurra félaga.

Formenn félagsins frá upphafi

• Árni Þórarinsson 1938 – 1945
• Hannes Hansson 1945 – 1947
• Páll Þorbjörnsson 1947 – 1948
• Jóhann Pálsson 1948 – 1952
• Júlíus Sigurðsson 1952 - 1955 og 1961 – 1963
• Eyjólfur Gíslason 1955 – 1957
• Sigurgeir Ólafsson 1957 – 1959
• Kristinn Pálsson 1959 – 1961
• Friðrik Ásmundsson 1963 – 1965
• Steingrímur Arnar 1965 – 1967
• Sigurður Gunnarsson 1967 – 1969
• Guðjón Pálsson 1969 – 1971
• Kristinn Sigurðsson 1971 – 1973
• Óskar Þórarinsson 1973 – 1975
• Steingrímur Sigurðsson 1975 – 1976
• Gunnlaugur Ólafsson 1976 – 1977
• Logi Snædal Jónsson 1977 – 1981
• Árni Magnússon 1981 – 1982
• Kristján Adolfsson 1982 – 1984
• Guðmundur Sveinbjörnsson 1984 – 1988
• Sveinn Rúnar Valgeirsson 1988 – 1990
• Jón Bondó Pálsson 1990 – 1994
• Sigurbjörn Árnason 1994 – 1997
• Magnús Örn Guðmundsson 1997 – 2002
• Bergur Páll Kristinsson frá 2002

Tenglar

• Heimasíða Verðandi