Margrét Halldórsdóttir (Oddsstöðum)

Margrét Halldórsdóttir húsfreyja á Oddsstöðum fæddist 16. janúar 1832 í Steinasókn u. Eyjafjöllum og lést 15. febrúar 1919.
Faðir hennar var Halldór bóndi í Steinum, f. á Seljavöllum u. Eyjafjöllum, skírður 23. desember 1775, d. 3. apríl 1832, Eiríksson bónda í Ystabæli, f. 1740, Sigurðssonar, og Ingunnar húsfreyju, f. (1743), d. 13. nóvember 1797, Þorvaldsdóttur.
Móðir Margrétar á Oddsstöðum og síðari kona, (25. október 1828), Halldórs var Oddný húsfreyja, f. 9. janúar 1793 í Rimahúsi í Holtssókn u. Eyjafjöllum, d. 7. júlí 1833, Jónsdóttir bónda í Berjanesi u. Eyjafjöllum, f. 1757, Sigurðssonar bónda í Svaðbæli, f. 1705, Jónssonar, og konu Sigurðar í Svaðbæli, Steinunnar húsfreyju, f. 1720, Ólafsdóttur.
Móðir Oddnýjar og barnsmóðir Jóns í Berjanesi var Guðrún, f. (1761), Guðmundsdóttir.

Margrét var 3 ára fósturbarn í Berjanesi u. Eyjafjöllum 1835 hjá hjónunum Eyjólfi Guðmundssyni og Emerentíönu Guðmundsdóttur. Hún var 9 ára hjá þeim í Vatnsdalskoti í Fljótshlíð 1840, 15 ára uppeldisdóttir þeirra í Þjóðólfshaga í Holtum 1845, vinnukona þar 1850.
Hún var gift húsfreyja á Oddsstöðum í Eyjum 1855.
Við húsvitjun 1864 var hún húsfreyja á Oddsstöðum með Jóni og börnunum Eiríki, Elínu og Jóni, en 1865 var hún gift vinnukona í Presthúsum .
Jón lést 1866 í Vanangri. Margrét fór í vinnumennsku, 38 ára ekkja og vinnukona í Túni hjá hjónunum Jóni Vigfússyni og Guðrúnu Þórðardóttur og í Presthúsum hjá Jóni Jónssyni og Ingibjörgu Stefánsdóttur.
Þá var börnunum komið í fóstur. Þau voru niðursetningar á ýmsum heimilum, í Nýja-Kastala, á Gjábakka, í Elínarhúsi, í Kastala og í Gvendarhúsi.
Margrét bjó með Guðmundi Ögmundssyni fyrst í Götu við Kirkjuveg, en síðar í Borg við Stakkagerðistún.
Þar bjuggu Margrét og Guðmundur ógift og í mikilli óþökk yfirvalda til 1874, er þau voru neydd af landsyfirvöldum til giftingar, ella dæmd í fangelsi.
Í Götu eignuðust þau Guðmundur tvö börn. Þau skildu samvistir 1894. (Sjá Blik 1978).
Margrét var hjá Júlíusi syni sínum á Seyðisfirði 1901, hjá dóttur sinni Elínu á Helluvaði á Rangárvöllum 1910.
Hún lést 1919.
Nánari saga Margrétar er sögð í Bliki 1978: „Í hneykslanlegri sambúð“

I. Barnsfaðir Margrétar var Guðmundur Þórðarson vinnumaður í Þjóðólfshaga í Holtum, síðar vinnumaður í Horni, f. 12. júní 1817, d. 6. apríl 1885.
Barn þeirra var
1. Jón Guðmundsson sjómaður frá Núpakoti u. Eyjafjöllum, f. 25. september 1850, fórst með Blíð 26. febrúar 1869.

Margrét var tvígift:
II. Fyrri maður hennar, (9. nóvember 1854), var Jón Þorgeirsson bóndi í Mýrdal, síðar bóndi og hagyrðingur á Oddsstöðum, f. 1808 á Rauðhálsi í Mýrdal, d. 6. júní 1866 í Vanangri.
Börn Jóns og Margrétar voru:
2. Eiríkur Jónsson, f. 2. nóvember 1855, vinnumaður í Stakkagerði 1882. Hann fluttist í Landeyjar 1883.
3. Elín Jónsdóttir, f. 1856, vinnukona hjá Agnesi Aagaard sýslumannsfrú, síðar húsfreyja á Helluvaði á Rangárvöllum, móðir Ingunnar í Skuld og amma Skuldarsystkina.
4. Jón Jónsson Vestmann, f. 10. mars 1860. Hann fluttist til Austfjarða, bjó í Mjóafirði og á Seyðisfirði. Hann fór til Vesturheims 1901 frá Sörlastöðum í Seyðisfirði, ásamt konu sinni Soffíu Hallgrímsdóttur og syni þeirra Jóni Vestmann yngri, eins árs.
5. Eyjólfur Jónsson, f. 18. ágúst 1862. Hann var alinn upp hjá Jóni og Sesselju í Gvendarhúsi, en varð bóndi á Vesturhúsum, kvæntur Valgerði Eiríksdóttur.

III. Síðari maður Margrétar, (14. maí 1874, skildu), var Guðmundur Ögmundsson, f. 16. apríl 1833, d. 27. maí 1914.
Börn Margrétar og Guðmundar:
6. Júlíus Guðmundur Guðmundsson frá Götu við Kirkjuveg og Borg við Stakkagerðistún, f. 16. ágúst 1868, d. 26. janúar 1951.
7. Ögmundur Guðmundsson frá Götu við Kirkjuveg og Borg við Stakkagerðistún, f. 27. desember 1872, d. 1. ágúst 1882 „úr mislingum ásamt lungnabólgu“.
8. Jakob Guðmundsson, samkv. (SMJ).

---

Heimildir

• Samantekt: Víglundur Þór Þorsteinsson.
• Blik 1978: „Í hneykslanlegri sambúð“
  
• Íslendingabók.is.
• Manntöl.
• Rangvellingar. Valgeir Sigurðsson. Rangárvallahreppur, Hellu 1982.
• Saga Vestmannaeyja. Sigfús M. Johnsen. Ísafoldarprentsmiðja h.f. 1946.
• Sögur og sagnir úr Vestmannaeyjum: Úr dagbókarblöðum Agnesar Aagaard, sýslumannsfrúar í Vestmannaeyjum.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---