Borgþór Eydal Pálsson

Borgþór Eydal Pálsson.

Borgþór Eydal Pálsson vélstjóri, vélvirkjameistari, verkstjóri fæddist 27. september 1941 á Þrándarstöðum í Eiðahreppi í N.-Múlas.
Foreldrar hans voru Páll Eydal Jónsson frá Garðstöðum, slippstjóri, ísláttarmaður, f. 6. desember 1919, d. 27. október 1996, og kona hans Ragnheiður Valdórsdóttir frá Eskifirði, húsfreyja, f. 19. desember 1918, d. 8. nóvember 2001.

Börn Ragnheiðar og Páls Eydals:
1. Borgþór Eydal Pálsson, f. 27. september 1941. Kona hans er Guðbjörg Októvía Andersen.
2. Guðrún Pálsdóttir húsfreyja, fiskvinnslukona á Vopnafirði, f. 15. mars 1949. Maður hennar er Reynir Árnason.
3. Bjarney Pálsdóttir húsfreyja, sjúkraliði, f. 5. september 1961 á Sjúkrahúsinu. Maður hennar er Ívar Gunnarsson.

Borgþór lauk gagnfræðaprófi í Gagnfræðaskólanum 1957, Iðnskólanum 1960 og sveinsprófi í vélvirkjun 1962, fékk meistarabréf 1966. Hann tók hið minna vélstjórapróf í Eyjum 1964.
Hann var vélstjóri hjá Einari Sigurðssyni 1965, hjá Ufsabergi ehf. 1974-1976 og aftur 1980 og 1981-1982, en var um skeið þess á milli verkstjóri hjá Völundi hf.
Borgþór var vélstjóri hjá Emil M. Andersen 1983 og síðan verkstjóri hjá Skipalyftunni.
Hann var um skeið formaður Sveinafélags járniðnaðarmanna í Vestmannaeyjum og Verkstjórafélags Vestmannaeyja í 24 ár.
Þau Oktavía giftu sig 1963, eignuðust fjögur börn.
Þau bjuggu á Heiðarvegi 13 við giftingu 1963 og við fæðingu Ragnheiðar 1967, á Bröttugötu 8 frá 1971.
Októvía lést 2022.

I. Kona Borgþórs Eydals, (14. desember 1963), er Guðbjörg Októvía Andersen húsfreyja, skrifstofumaður, bæjarfulltrúi, f. 9. febrúar 1943, d. 6. október 2022.
Börn þeirra:
1. Þórdís Borgþórsdóttir húsfreyja, svæfingahjúkrunarfræðingur í Reykjavík, f. 5. ágúst 1963 á Sælundi. Fyrrv. maður hennar Gunnar Þór Gunnarsson. Sambúðarmaður hennar Oddur Már Gunnarsson.
2. Ragnheiður Borgþórsdóttir húsfreyja, förðunarfræðingur, kennari í Eyjum, f. 28. maí 1967. Maki hennar, skildu, Brynjar Kristjánsson. Maki er Sindri Óskarsson.
3. Emilía Borgþórsdóttir húsfreyja, sjúkraþjálfari, iðnhönnuður í Hafnarfirði, f. 20. október 1973. Maður hennar Karl Guðmundsson.
4. Páley Borgþórsdóttir húsfreyja, héraðsdómslögmaður, lögreglustjóri, f. 6. febrúar 1975. Maður hennar er Arnsteinn Ingi Jóhannsson.

---

Heimildir

• Samantekt: Víglundur Þór Þorsteinsson.
• Íbúaskrá Vestmannaeyja 1972.
• Íslendingabók.is.
• Manntöl.
• Prestþjónustubækur.
• Vélstjóra- og vélfræðingatal. Ritstjórar: Þorsteinn Jónsson og Franz Gíslason. Þjóðsaga 1996 og 1997.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---