Sigríður Ágústsdóttir (Sætúni)
Sigríður Ágústsdóttir húsfreyja fæddist 5. júní 1912 í Mið-Skála u. Eyjafjöllum og lést 14. október 1996.
Foreldrar hennar voru Guðný Eyjólfsdóttir verkakona, síðar í Úthlíð, f. 7. júní 1890 í Björnskoti, d. 10. febrúar 1979, og barnsfaðir hennar Ólafur Ágúst Sigurhansson sjómaður, f. 27. ágúst 1888, drukknaði 14. janúar 1915.
Systur Sigríðar voru:
1. Guðrún Ágústsdóttir húsfreyja á Eskifirði, síðast á Selfossi, f. 6. september 1910 í Gerðakoti u. Eyjafjöllum, d. 11. maí 1999.
2. Jóna Alda Illugadóttir húsfreyja, síðast í Reykjavík, f. 17. júlí 1918 í Úthlíð, d. 2. ágúst 1992.
Móðir Sigríðar fluttist til Eyja 1912, en Sigríður var þá nýfædd. Hún var í fóstri á þrem bæjum undir Fjöllunum, áður en hún var flutt til Eyja 1914. Hún fór í fóstur til föðurforeldra sinna Dórótheu Sveinsdóttur og Sigurhans Ólafssonar í Bræðraborg og síðar í Steinum en lengst á Brimnesi.
Sigríður var vinnukona á Brimnesi 1930 og bjó þar við giftingu 1937.
Þau Einar bjuggu í Sætúni 1937 og 1940, á Hásteinsvegi 7 1942, í Sætúni 1945, í Steinum 1949, í Holti um skeið, á Faxastíg 45 1958 og síðan.
Þau eignuðust fimm börn.
Einar Sveinn lést 1994 og Sigríður 1996.
Maður Sigríðar, (2. október 1937), var Einar Sveinn Jóhannesson vélstjóri, skipstjóri, f. 13. apríl 1904, d. 26. september 1994.
Börn þeirra:
1. Sigurhanna Ágústa Einarsdóttir húsfreyja í Kópavogi, forstöðukona heimilisþjónustu Kópavogs, f. 10. febrúar 1937 í Sætúni. Maður hennar Ólafur Valdimar Oddsson verktaki.
2. Dóróthea Einarsdóttir húsfreyja í Mosfellssveit, matráðskona, f. 10. febrúar 1940 í Sætúni, d. 2. desember 2021.
3. Elín Brimdís Einarsdóttir húsfreyja í Reykjavík, sjúkraliði, f. 1. apríl 1942 á Hásteinsvegi 7.
4. Þorbjörg Guðný Einarsdóttir húsfreyja í Eyjum, fiskverkakona, f. 12. apríl 1950 í Steinum.
5. Sveinn Einarsson vélstjóri í Eyjum, f. 14. maí 1958 á Sjúkrahúsinu.
Heimildir
- Samantekt: Víglundur Þór Þorsteinsson.
- Sigurhanna Ágústa Einarsdóttir.
- Íslendingabók.is.
- Manntöl.
- Minningarrit. Páll Oddgeirsson. Vestmannaeyjum 1952.
- Prestþjónustubækur.
- Valdaætt. Niðjatal Valda Ketilssonar bónda á Sauðhúsvöllum undir Eyjafjöllum og k.h. Katrínar Þórðardóttur. Magnea Árnadóttir. Handrit 1992.
Þessi grein tilheyrir Æviskrám Eyjafólks eftir Víglund Þór Þorsteinsson.