Kolbrún Ósk Óskarsdóttir

Úr Heimaslóð, Sögusetri Vestmannaeyja
Fara í flakk Fara í leit

Kolbrún Ósk Óskarsdóttir frá Hvassafelli við Helgafellsbraut 33, húsfreyja, ritari fæddist 29. september 1950.
Foreldrar hennar voru Óskar Sigurðsson endurskoðandi, f. 1. júní 1910 á Bólstað, d. 4. júní 1969, og kona hans Soffía Zóphoníasdóttir frá Stórubýlu í Innri-Akraneshreppi, f. 6. desember 1919 í Gröf í Skilmannahreppi í Borg., d. 5. ágúst 1985.

Börn Soffíu og Óskars:
1. Andvana stúlka, f. 11. júní 1943.
2. Sigurður Óskarsson húsasmiður, kafari, f. 24. maí 1944 á Bólstað. Kona hans Sigurbjörg Óskarsdóttir.
3. Friðrik Ingi Óskarsson skrifstofumaður, f. 16. febrúar 1948 á Hvassafelli. Fyrrum kona hans Auður Dóra Haraldsóttir. Fyrrum kona hans Lilja Dóra Hjörleifsdóttir. Sambúðarkona hans Guðlaug Kristófersdóttir.
4. Kolbrún Ósk Óskarsdóttir ritari, f. 29. september 1950. Maður hennar Sigmar Þór Sveinbjörnsson.

Kolbrún varð 4.bekkjar gagnfræðingur í Gagnfræðaskólanum 1967, lærði í Nýja tölvu- og viðskiptaskólanum.
Hún vann afgreiðslustörf í Eyjum, var bókavörður í Bókasafninu í Eyjum í 8 ár.
Eftir flutning í Kópavog 1998 var hún deildarstjóri í Hagkaupum, síðan læknaritari hjá Krabbameinsfélaginu í 10 ár til 65 ára aldurs.
Þau Sigmar giftu sig 1971, eignuðust þrjú börn. Þau bjuggu í fyrstu á Hvassafelli við Helgafellsbraut 31, byggðu Ilugagötu 38 og bjuggu þar í 27 ár að undanteknu einu ári í Kópavogi, á Gosárinu 1973.

I. Maður Kolbrúnar Óskar, (10. apríl 1971), er Sigmar Þór Sveinbjörnsson sjómaður, vélstjóri, stýrimaður, umdæmisstjóri, f. 23. mars 1946 á Byggðarenda við Brekastíg 15a.
Börn þeirra:
1. Gísli Sigmarsson vélvirki, f. 5. febrúar 1971. Kona hans er Hrund Snorradóttir Óskarssonar.
2. Óskar Sigmarsson rafmagnstæknifræðingur, f. 6. janúar 1976. Kona hans Júlía Pálmadóttir Sighvats.
3. Harpa Sigmarsdóttir leikskólakennari, f. 22. október 1981. Maður hennar Þór Sæþórsson.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.