Ingólfur Gíslason (matsveinn)

Úr Heimaslóð, Sögusetri Vestmannaeyja
Fara í flakk Fara í leit

Gunnar Ingólfur Gíslason matsveinn fæddist 6. apríl 1915 að Langagerði í Hvolhreppi, Rang. og lést 14. maí 1992.
Foreldrar hans voru Gísli Gunnarsson frá Torfastöðum, bóndi á Torfastöðum og í Langagerði, f. 1. nóvember 1868, d. 14. febrúar 1954, og kona hans Guðrún Halldórsdóttir frá Kotmúla, húsfreyja, f. 15. mars 1878, d. 3. júlí 1961.

Börn Guðrúnar og Gísla í Eyjum:
1. Jón Alexander Gíslason útgerðarmaður, skipstjóri á Landamótum, f. 18. mars 1890, d. 29. janúar 1966, maður Ásdísar Sveinsdóttur húsfreyju.
2. Júlía Gísladóttir húsfreyja á Sæbergi, Urðavegi 9, f. 16. júlí 1904, d. 19. september 1933, kona Sigurgeirs Þorleifssonar verkamanns.
3. Aðalheiður Gísladóttir ráðskona, húsfreyja, f. 26. janúar 1906, d. 9. ágúst 1933. Barnsfaðir hennar var Sigurlás Þorleifsson. Sambúðarmaður var Björgvin Hafsteinn Pálsson.
4. Hjörleifur Gíslason sjómaður, bóndi, verkamaður, bryggjuvörður, f. 16. apríl 1913, d. 27. desember 2003. Kona hans Ragnheiður Ágústa Túbals.
4. Gunnar Ingólfur Gíslason matsveinn, f. 6. apríl 1915, d. 14. maí 1992. Kona hans var Guðrún Fanney Stefánsdóttir húsfreyja, f. 23. ágúst 1921.

Ingólfur var með foreldrum sínum fram á fullorðinsár, en sótti vertíðir í Eyjum frá tvítugsaldri.
Hann var oftast matsveinn og réri m.a. á Óðni VE, Jóni Stefánssyni VE, Hannesi lóðs VE, Kristbjörgu VE og að síðustu á Engey VE.
Um fimmtugt gerðist hann verkstjóri við kjötvinnslu hjá Kaupfélagi Vestmannaeyja.
Þau Guðrún fluttu á Selfoss við Gosið 1973 og þar vann Ingólfur við kjötvinnslu Kaupfélags Árnesinga í átta ár. Þá fluttu hjónin til Reykjavíkur og þar starfaði Ingólfur hjá Meistaranum hf. til starfsloka vegna aldurs.
Þau Guðrún Fanney giftu sig 1941, eignuðust þrjú börn. Þau bjuggu í fyrstu á Höfðabrekku við Faxastíg 15, en fimm árum síðar keyptu þau íbúð við Vesturveg 32, bjuggu þar í níu ár, en eignuðust þá húsið við Hólagötu 33 og bjuggu þar ti Goss 1973, er þau fluttu á Selfoss og síðar til Reykjavíkur.
Gunnar Ingólfur lést 1992 og Guðrún Fanney 2017.

Kona Gunnars Ingólfs, (20. desember 1941), var Guðrún Fanney Stefánsdóttir frá Vestra-Stokkseyrarseli í Stokkseyrarhreppi, húsfreyja, f. 23. ágúst 1921, d. 10. nóvember 2017.
Börn þeirra:
1. Steinunn Ingólfsdóttir húsfreyja, f. 11. nóvember 1941 á Höfðabrekku. Fyrrum maður hennar Hjörleifur Hallgríms.
3. Vigfús Ingólfsson, f. 19. janúar 1943 á Höfðabrekku, ókvæntur.
4. Gísli Ingólfsson vélstjóri, f. 24. júlí 1947 á Vesturvegi 32 . Kona hans Linda Hannesdóttir.

Úr Bliki 1969:
Vertíðarmennirnir úr Ungmennafélaginu Baldri, er um ræðir í greininni.
Aftari röð frá vinstri: 1. Ingimundur Þorkelsson, Vestri-Garðsauka - 2. Pálmi Jóhannsson, Miðkrika - 3. Ólafur Sigurðsson, Vindási - 4. Helgi Jónsson, Króktúni - 5. Sigurður Einarsson, Vestri-Garðsauka - 6. Jón Gunnarsson, Velli - 7. Sigurjón Gunnarsson, Velli - 8. Þorkell Jóhannsson, Miðkrika - 9. Ingólfur Gíslason, Langagerði (leiðr.), nú til heimilis að Hólagötu 33 hér í bæ - 10. Björgvin Guðjónsson, Brekkum.
Fremri röð frá vinstri: 1. Halldór P. Jónsson, Krókatúni – 2. Sigursteinn Þorsteinsson, Djúpadal – 3. Kári Ingvarsson, Markaskarði – 4. Sigurður Jóhannsson, Miðkrika – 5. Sigurður Gunnarsson, Velli – 6. Hjörleifur Gíslason, Langagerði (leiðr.) – 7. Árni Þorleifsson, Miðhúsum.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.