Helgi Þórðarson (Engidal)
Helgi Þórðarson frá Króki í Ölfusi, steinsmiður, múrari fæddist 22. júlí 1866 í Kaldaðarnesi þar og lést 17. nóvember 1940.
Foreldrar hans voru Þórður Jónsson bóndi í Króki í Arnarbælishverfi og víðar, f. í september 1824, d. 28. desember 1888, og kona hans Guðný Helgadóttir húsfreyja, f. 21. febrúar 1845, d. 17. ágúst 1916.
Helgi var með foreldrum sínum í æsku.
Hann var vinnumaður á Litla-Landi í Ölfusi 1890.
Þau Herdís giftu sig 1893, eignuðust 9 börn, en misstu þrjú þeirra á ungum aldri.
Helgi var bóndi á Litla-Landi um skeið, þá smiður á Húsatóftum í Grindavík, flutti til Hafnarfjaðar 1899, var þar daglaunamaður og háseti á þilskipi.
Þau fluttu til Eyja 1920. Hann var steinsmiður, múrari í Skógum við Bessastíg 1922, þá í Engidal við Brekastíg 15c, síðar á Brekastíg 19. Þau fluttu til Reykjavíkur 1935.
Helgi lést 1940 og Herdís 1953.
I. Kona Helga var Herdís Magnúsdóttir frá Litla-Landi í Ölfusi fædd þar 14. júní 1868, d. 1. apríl 1953.
Börn þeirra:
1. Hermann Helgi Helgason trésmiður, húsasmiður í Ashern í Manitoba, f. 12. janúar 1892 á Litlalandi í Ölfushreppi, Árn., d. 7. nóvember 1966. Kona hans var Hólmfríður Sigurgeirsdóttir.
2. Júnía Þuríður Helgadóttir húsfreyja á Höllustöðum í Hún, síðar á Blönduósi, f. 9. júní 1893, d. 29. september 1961. Maður hennar Jón Í. Ólafsson.
3. Hindrika Júlía Helgadóttir húsfreyja, f. 2. júlí 1894 á Húsatóftum í Grindavík, d. 27. febrúar 1968, kona Sveinbjarnar Ágústs Benónýssonar.
4. Magnús Helgason skrifstofustjóri, f. 8. september 1896 á Húsatóftum í Grindavík, d. 10. október 1976. Kona hans Magnína Sveinsdóttir.
5. Aldís Magnúsdóttir, f. 9. janúar 1898, d. 12. júní 1898.
6. Þórður Helgason, f. 28. febrúar 1899, d. 1. mars 1900.
7. Albert Helgason múrari, 18. júní 1901 í Hafnarfirði, d. 3. apríl 1961. Kona hans, (skildu), var Jóhanna Nikólína Guðjónsdóttir.
8. Hólmfríður Rúffía Helgadóttir, f. 14. júní 1903, d. 20. desember 1919.
9. Dorothea Guðný Helgadóttir öryrki, f. 11. desember 1906 í Hafnarfirði, d. 20. desember 1959.
Heimildir
- Samantekt: Víglundur Þór Þorsteinsson.
- Íslendingabók.is.
- Magnús Haraldsson.
- Manntöl.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.