Guðný Sigurleif Stefánsdóttir
Guðný Sigurleif Stefánsdóttir frá Hábæ, húsfreyja í Reykjavík fæddist 14. febrúar 1918 og lést 15. janúar 2009.
Foreldrar hennar voru Stefán Vilhjálmsson verkamaður, f. 24. ágúst 1890, d. 29. júní 1973, og kona hans Guðríður Guðmundsdóttir húsfreyja, f. 12. maí 1893, d. 24. júlí 1984.
Börn Stefáns og Guðríðar voru:
1. Guðný Sigurleif Stefánsdóttir, f. 14. febrúar 1918, d. 15. janúar 2009.
2. Ólafur Kristinn Stefánsson múrari, f. 8. ágúst 1919, d. 29. febrúar 2000.
3. Þorsteinn Stefánsson, f. 2. október 1920 á Litlu-Grund, d. 24. nóvember 1920.
4. Þorsteinn Stefánsson sjómaður, f. 9. nóvember 1921 í París II, fórst með flugvélinni Glitfaxa 31. janúar 1951.
5. Regína Matthildur Stefánsdóttir, f. 18. september 1923.
6. Kristín Stefánsdóttir, f. 21. febrúar 1925.
7. Ásta Stefánsdóttir, f. 27. september 1927.
8. Vilhjálmur Stefánsson, f. 12. febrúar 1931.
Hjá þeim ólst upp sonur Regínu Matthildar
9. Henry Stefáns, síðar í Florida, f. 13. mars 1944 í Reykjavík.
Guðný Sigurleif var með foreldrum sínum í æsku, var með þeim á Fífilgötu 2 1940.
Þau Vémundur bjuggu á Vesturvegi 34, (Enda) 1942 giftu sig 1944 og bjuggu á Geirlandi, en á Enda 1945 og enn 1949.
Fjölskyldan fluttist til Reykjavíkur og síðan til Ohio í Cleveland í Bandaríkjanna, þar sem Vémundur vann hjá auglýsingafyrirtæki. Þau fluttu heim 1965 og bjuggu síðast í Eskihlíð 14.
Vémundur lést 1984 og Sigurleif 2009.
Maður hennar, (3. júní 1944), var Vémundur Jónsson frá Vesturvegi 34 (Enda), netagerðarmaður, vélstjóri, f. 23. maí 1920 á Hlíðarenda í Ölfusi, d. 11. mars 1984 í Reykjavík.
Börn þeirra:
1. Edith Vémundsdóttir sjúkraliði í Reykjavík, f. 4. nóvember 1942 í Eyjum.
2. Jón Vémundsson, f. 20. ágúst 1945 í Eyjum. Hann rekur eigið fyrirtæki í Bandaríkjunum.
Heimildir
- Samantekt: Víglundur Þór Þorsteinsson.
- Bergsætt II. útgáfa. Guðni Jónsson 1966.
- Knudsensætt 1-2. Ritstjóri Þorsteinn Jónsson. Sögusteinn 1986.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.