Friðrik E. Ólafsson (Gilsbakka)

From Heimaslóð
Jump to navigation Jump to search
Friðrik Erlendur Ólafsson.

Friðrik Erlendur Ólafsson (Elli) frá Gilsbakka, vélvirkjameistari, vélstjóri, kyndari, kennari, framkvæmdastjóri fæddist 5. júní 1928 og lést 19. júlí 2012.
Foreldrar hans voru Ólafur Stefán Ólafsson vélsmíðameistari, forstjóri, f. 24. júní 1900, d. 5. mars 1962, og kona hans Friðrikka Dagmar Erlendsdóttir húsfreyja, f. 5. maí 1905, d. 8. júní 1980.

Friðrik Erlendur var með foreldrum sínum í æsku.
Hann nam vélvirkjun í Vélsmiðjunni Magna og Iðnskólanum og lauk prófi 1948. Hann lauk vélstjóraprófi í Vélskólanum í Reykjavík 1950 og rafmagnsdeild hans 1951. Þá sótti hann námskeið í meðferð dísilvéla og fylgitækja þeirra hjá Motoren Werke Mannheim, Renk í Augsburg, Bosch í Stuttgart og BBC í Baden í Þýskalandi 1957.
Árið 1948 og sumrin meðan á námi stóð var hann kyndari á b.v. Elliðaey, vélstjóri á sama skipi 1951-1954.
Hann starfaði síðan í Magna og varð framkvæmdastjóri þar. Einnig vann hann hjá Vinnslustöðinni. Jafnframt var hann kennari við Iðnskólann í Eyjum 1954-1969.
Þau Margrét fluttu til Lands og þar hóf Friðrik Erlendur störf hjá Sturlaugi Jónssyni í mars 1970 og vann þar til 2003.
Þau Margrét giftu sig 1951, eignuðust þrjú börn. Þau bjuggu í fyrstu í Ási, byggðu hús við Breiðabliksveg 4 og bjuggu þar uns þau fluttu til Lands.
Þau bjuggu um skeið á Bergstaðastræti 14 í Reykjavík, en að lokum á Strikinu 10 í Garðabæ.
Margrét lést 2009 og Friðrik Erlendur 2012.

I. Kona Friðriks Erlendar, (24. mars 1951), var Margrét Sighvatsdóttir frá Ási, húsfreyja, verslunarmaður, f. 28. júlí 1931, d. 15. nóvember 2009.
Börn þeirra:
1. Erna Friðriksdóttir húsfreyja, bókhaldari í Eyjum, f. 9. maí 1951. Maður hennar Stefán Anton Halldórsson, látinn.
2. Ólafur Friðriksson skipatæknifræðingur, býr í Eyjum, f. 13. september 1952. Kona hans Þuríður Guðjónsdóttir.
3. Sighvatur Friðriksson véltæknifræðingur, býr í Garðabæ, f. 13. apríl 1959. Kona hans Hjördís Guðrún Hjálmarsdóttir.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.