Einar Einarsson (Frydendal)
Einar Einarsson vinnumaður fæddist 28. ágúst 1853 og lést 9. ágúst 1888.
Foreldrar hans voru Einar Guðmundsson frá Norðurgarði, síðar bóndi á Steinsstöðum, f. 26. mars 1834 á Skíðbakka í A-Landeyjum, hrapaði til bana 27. maí 1888, og barnsmóðir hans Geirdís Þórðardóttir vinnukona, f. 13. mars 1821 í Vesturholtum u. Eyjafjöllum, d. 1. febrúar 1893.
Einar átti mikinn ættbálk í Eyjum.
Móðursystkini hans voru:
1. Vilborg Þórðardóttir húsfreyja í Elínarhúsi,
2. Sveinn Þórðarson tómthúsmaður í Brandshúsi,
3. Þorbjörn Þórðarson í Svaðkoti.
Ömmusystkini hans voru:
4. Vigdís Þorbjörnsdóttir í Svaðkoti.
5. Eyjólfur hreppstjóri á Búastöðum.
6. Árni Þorbjörnsson bóndi á Kirkjubæ.
Föðursystkini Einars Einarssona, sem búsett voru í Eyum:
1. Guðmundur húsmaður á Kirkjubæ, f. 30. mars 1827, d. 16. febrúar 1865, kvæntur Guðríði Oddsdóttur.
2. Sæmundur húsmaður á Vilborgarstöðum, f. 9. júlí 1837, d. 18. október 1890, fyrr kvæntur Ástríði Hjaltadóttur, síðar Guðbjörgu Árnadóttur.
Ömmusystir Einars Einarssonar var
Ingibjörg Guðmundsdóttir húsfreyja í Norðurgarði, f. 26. nóvember 1799, d. 29. mars 1883, kona Jóns Jónssonar bónda, f. 1. mars 1791, hrapaði til bana 21. ágúst 1851.
Hálfsystkini Einars Einarssonar:
Börn Einars föður hans með Valgerði Jónsdóttur frænku sinni frá Norðurgarði, f. 20. ágúst 1832, d. 7. október 1896:
1. Ingibjörg Einarsdóttir, f. 8. mars 1854, d. 24. apríl 1905.
2. Jón Einarsson á Garðstöðum, f. 27. janúar 1857, d. 10. október 1906. Kona hans var Ingibjörg Hreinsdóttir húsfreyja.
Barn Einars á Steinsstöðum með konu sinni Kristínu Jónsdóttur húsfreyja, f. 2. september 1832, d. 21. desember 1903 var
3. Ástríður Einarsdóttir húsfreyja á Löndum, f. 10. október 1857 í Eyjum, d. 20. júlí 1919, kona Sigurðar Jónssonar verkamanns á Löndum, f. 29. október 1859, d. 10. ágúst 1932.
Einar var í Götu 1853 með móður sinni, í Grímshjalli 1855 og 1856, í Þorlaugargerði 1858-1860, á Ofanleiti 1861, með giftri móður sinni í Helgahjalli 1863, í Þórðarhjalli 1864-1865, í Háagarði 1866 og 1867, í Ólafshúsahjalli 1868.
Hann var léttadrengur í Frydendal 1869 og 1870, í Elínarhúsi 1987-1873, í Frydendal 1874-1875.
Einar var holdsveikur og varð óvinnufær um 22 ára aldur. Eftir það var hann á sveitarframfæri.
Hann var niðursetningur í Frydenal 1876, þá 23 ára, á Vesturhúsum 1877-1880, í Elínarhúsi 1881-1887og þar við andlát 1888, tæpra 35 ára.
Heimildir
- Samantekt: Víglundur Þór Þorsteinsson.
- Landeyingabók – Austur-Landeyjar. Valgeir Sigurðsson og fleiri. Ritstjóri: Ragnar Böðvarsson. Austur-Landeyjahreppur, Gunnarshólma 1999.
- Manntöl.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.