Benóný Benónýsson (útgerðarmaður)
Benóný Benónýsson frá Sóleyjarhlíð við Hásteinsveg 45, útgerðarmaður, stýrimaður, skipstjóri fæddist 29. desember 1947.
Foreldrar hans voru Benóný Friðriksson skipstjóri, f. 7. janúar 1904, d. 12. maí 1972, og kona hans Katrín Sigurðardóttir húsfreyja, f. 26. maí 1909, d. 28. júní 1979.
Börn Katrínar og Benónýs:
1. Sævar Benónýsson sjómaður, skipstjóri, f. 11. febrúar 1931 í Árdal, d. 15. janúar 1982.
2. Jóna Sigríður Benónýsdóttir húsfreyja, f. 3. september 1935 í Jómsborg, d. 20. júlí 1984 í Keflavík.
3. Sjöfn Kolbrún Benónýsdóttir húsfreyja, f. 15. apríl 1937 í Jómsborg.
4. Oddný Jóhanna Benónýsdóttir húsfreyja, f. 26. júlí 1939 í Jómsborg, d. 28. júlí 1995.
5. Friðrik Gissur Benónýsson skipstjóri, útgerðarmaður, f. 14. nóvember 1941 í Stafnesi.
6. Benóný Benónýsson útgerðarmaður, stýrimaður, skipstjóri, f. 29. desember 1947 í Sóleyjarhlíð við Hásteinsveg 45.
7. Sigurður Grétar Benónýsson hárgreiðslumeistari, f. 14. febrúar 1950 í Sóleyjarhlíð við Hásteinsveg 45. Hann býr í Hafnarfirði.
8. Svanhildur Guðrún Benónýsdóttir húsfreyja, verslunarmaður, f. 28. október 1951 í Sóleyjarhlíð við Hásteinsveg 45, d. 4. júlí 2019. Hún bjó í Keflavík.
Benóný var með foreldrum sínum.
Hann varð 4. bekkjar gagnfræðingur í Gagnfræðaskólanum 1963.
Benóný var sjómaður, keypti Gullborgina með Friðriki bróður sínum og var stýrimaður, og skipstjóri af og til. Síðan eignaðist hann 12 tonna plastbát, Portland VE 97, þá stálbát með sonum sínum, Portland VE 97, síðan stærri bát, Portland VE 97, sem þeir stunduðu á veiðar í snurvoð.
Þau Arndís giftu sig 1973, eignuðust þrjú börn. Þau bjuggu á Hásteinsvegi 30 1972, síðar Hólagötu 5, en fluttu til Hafnarfjarðar og búa á Daggarvöllum 1.
I. Kona Benónýs, (21. apríl 1973), er Arndís Björg Sigurðardóttir húsfreyja, f. 18. desember 1950.
Börn þeirra:
1. Jóhann Brimir Benónýsson stýrimaður, skipstjóri á Herjólfi, f. 10. nóvember 1967. Kona hans Lilja Rut Sæbjörnsdóttir.
2. Elísabet Katrín Benónýsdóttir húsfreyja, kennari í Hofsstaðaskóla, f. 16. apríl 1971. Fyrrum sambúðarmaður Björn Bragi Sverrisson.
3. Benóný Benónýsson vélstjóri, vinnur hjá Vélsmiðjunni Þór, f. 27. desember 1972. Kona hans Þórey Friðbjarnardóttir.
Heimildir
- Samantekt: Víglundur Þór Þorsteinsson.
- Benóný.
- Íslendingabók.
- Prestþjónustubækur.
- Tröllatunguætt. Sæmundur Björnsson í samvinnu við Ættfræðistofu Þorsteins Jónssonar. Reykjavík 1991.
Þessi grein tilheyrir Æviskrám Eyjafólks eftir Víglund Þór Þorsteinsson.