Þóra Arnheiður Þorbjarnardóttir
Þóra Arnheiður Þorbjarnardóttir húsfreyja í Skálholti við Landagötu fæddist 18. október 1903 á Hlíðarenda á Djúpavogi og lést 6. júlí 1970.
Foreldrar hennar voru Friðbjörg Einarsdóttir verkakona, húskona í Gamla vertshúsi á Eskifirði 1910, síðar á Brekastíg 24 í Eyjum, f. 18. september 1865 á Djúpavogi, d. 16. desember 1936, og Þorbjörn Eiríksson vinnumaður, síðar bóndi í Hátúni í Skriðdal og Borgargerði í Fáskrúðsfirði, f. 25. júní 1884, d. 6. janúar 1957.
Hálfbróðir Þóru, sammæddur, var
1. Ágúst Ólafur Ólafsson sjómaður, vélstjóri, útgerðarmaður, f. 14. ágúst 1899, d. 14. maí 1976.
Þóra var með móður sinni í Gamla vertshúsi á Eskifirði 1910, vinnukona í íbúðarhúsi H/F hinnar sam. ísl. verslunar í Eskifirði 1920. Hún fluttist til Reykjavíkur og þaðan til Eyja 1926.
Þau Hjörleifur giftu sig 1926, eignuðust fimm börn, en misstu eitt þeirra samdægurs. Þau bjuggu í Skálholti við Landagötu 1927 og síðar.
Þóra lést 1970. Hjörleifur dvaldi síðast í Hraunbúðum og lést 1997.
I. Maður Þóru Arnheiðar, (1. október 1926 í Eyjum), var Hjörleifur Sveinsson frá Selkoti u. Eyjafjöllum, skipstjóralærður sjómaður, netamaður, f. 23. janúar 1901, d. 29. september 1997.
Börn þeirra:
1. Sveinn Hjörleifsson skipstjóri, útgerðarmaður, f. 1. ágúst 1927, d. 4. janúar 2004. Kona hans Aðalheiður Maggý Pétursdóttir.
2. Anna Hjörleifsdóttir húsfreyja, póstvarðstjóri í Reykjavík, f. 31. mars 1929, d. 21. febrúar 2018. Maður hennar Sigmundur Páll Lárusson.
3. Friðrik Ágúst Hjörleifsson sjómaður, útgerðarmaður, bifreiðastjóri, f. 16. nóvember 1930 í Skálholti, d. 7. október 2014. Kona hans Anna Jóhanna Oddgeirs.
4. Guðbjörg Marta Hjörleifsdóttir húsfreyja, f. 20. júlí 1932 í Skálholti. Maður hennar Egill Kristjánsson.
5. Drengur, f. 7. mars 1940, d. sama dag.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.
