Ólöf Sjöfn Gísladóttir
Ólöf Sjöfn Gísladóttir húsfreyja, skrifstofustjóri fæddist 30. nóvember 1936 á Þorvaldseyri, (Vestmannabraut 35) og lést 11. febrúar 2020 á Hjúkrunarheimilinu Lundi á Hellu.
Foreldrar hennar voru Gísli Jakobsson bakarameistari f. 23. desember 1913, d. 26. desember 1993, og kona hans Unnur Ólafsdóttir húsfreyja frá Bifröst, verslunarmaður, f. 10. júlí 1915, d. 27. júlí 1975.
Ólöf Sjöfn var með foreldrum sínum í frumbernsku og fluttist með þeim til Reykjavíkur 12 ára.
Hún fluttist til Guðbjargar ömmu sinnar og sambýlismanns hennar Einars Einarssonar frá Norðurgarði og var hjá þeim í nokkur ár á fimmta áratugnum, var hjá þeim í Litla-Bergholti, Vestmannabraur 63B 1945.
Ólöf tók gagnfræðapróf í Reykjavík og lauk stúdentsprófi frá öldungadeild Fjölbrautarskólans í Breiðholti.
Hún var bankastarfsmaður, skrifstofustjóri hjá Búnaðarbanka Íslands til starfsloka.
Pétur lést 2011 og Ólöf Sjöfn 2020.
Maður hennar, (8. ágúst 1954), var Ingi Pétur Konráðs Hjálmsson frá Bjarma, búfræðikandídat, héraðsráðunautur, fulltrúi, f. 24. ágúst 1929, d. 2. október 2011.
Börn þeirra:
1. Sigríður Síta Pétursdóttir húsfreyja, leikskólakennari, f. 14. desember 1955, gift Hilmari Þór Óskarssyni.
2. Unnur Pétursdóttir húsfreyja, bókari, f. 17. janúar 1957. Maður hennar var Gunnar Benediktsson.
3. Hjálmur Pétursson húsasmíðameistari, f. 19. mars 1959. Kona hans er Halla Gunnarsdóttir.
4. Guðrún Pétursdóttir húsfreyja, skólastjóri, f. 31. maí 1961. Maður hennar, (skildu), var Sigurður Gunnarsson.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Morgunblaðið 11. október 2011 og 22. febrúar 2020. Minning Péturs og Ólafar Sjafnar.
- Prestþjónustubækur.
- Unnur Pétursdóttir.
Þessi grein tilheyrir Æviskrám Eyjafólks eftir Víglund Þór Þorsteinsson.