Skúli Úranusson
Skúli Úranusson bifreiðastjóri fæddist 23. maí 1956 í Skógum og lést 10. maí 2022.
Foreldrar hans voru Úraníus Guðmundsson vélstjóri, f. 28. desember 1914 í Reykjavík, d. 17. júní 1968, og kona hans Jórunn Lilja Magnúsdóttir frá Ólafshúsum, húsfreyja, f. 5. desember 1919 í Dvergasteini, d. 14. febrúar 2008.
Börn Lilju og Úraníusar:
1. Viktor Þór Úraníusson trésmiður í Eyjum og á Reykjalundi, f. 27. janúar 1942 á Bjarmalandi, Flötum 10, d. 27. ágúst 2020.
2. Pálína Úranusdóttir fiskiðnaðarkona, starfskona í Hraunbúðum, f. 5. september 1950 í Reykjavík.
3. Gylfi Þór Úranusson vélstjóri, f. 10. nóvember 1953 á Bessastíg 8, d. 30. september 2012.
4. Jón Trausti Úranusson, vinnuvélastjóri, f. 9. júní 1952 á Sjúkrahúsinu, dó af slysförum í hlíðum Eldfells 28. júní 1993.
5. Skúli Úranusson, bifreiðastjóri, f. 23. maí 1956 í Skógum, d. 10. maí 2022.
6. Oddgeir Magnús Úranusson, sjómaður, vinnuvélastjóri, f. 30. október 1958 á Sjúkrahúsinu.
Skúli var með foreldrum sínum í æsku, en faðir hans lést, er Skúli var tólf ára.
Hann bjó með móður sinni, hóf snemma störf í fiskiðnaði í Fiskiðjunni, varð bifreiðastjóri þar og síðan hjá Vinnslustöðinni, en að síðustu var hann bifreiðastjóri hjá Olíudreifingu hf.
Skúli bjó að Boðaslóð 6.
Hann var ókvæntur og lést 2022.
Heimildir
- Samantekt: Víglundur Þór Þorsteinsson.
- Íslendingabók.is.
- Prestþjónustubækur.
- Skúli.
Þessi grein tilheyrir Æviskrám Eyjafólks eftir Víglund Þór Þorsteinsson.