Geirdís Ólafsdóttir (Vilborgarstöðum)

Úr Heimaslóð, Sögusetri Vestmannaeyja
Útgáfa frá 22. janúar 2015 kl. 14:43 eftir Viglundur (spjall | framlög) Útgáfa frá 22. janúar 2015 kl. 14:43 eftir Viglundur (spjall | framlög)
Fara í flakk Fara í leit

Geirdís Ólafsdóttir húsfreyja á Vilborgarstöðum fæddist 1843 í Holtssókn u. Eyjafjöllum og lést 30. maí 1917 í Vesturheimi.
Faðir hennar var Ólafur bóndi á Núpi og Leirum u. Eyjafjöllum, f. 1815, Þórðarson bónda, síðast á Hjáleigusöndum þar, f. 1782 á Ytri-Sólheimum í Mýrdal, d. 27. júlí 1838 á Hjáleigusöndum, Sveinssonar bónda, lengst á Hryggjum í Mýrdal, f. 1758, d. 20. október 1838 á Skeiðflöt, Eyjólfssonar, og konu Sveins, Guðrúnar húsfreyju, f. 1760 í Kálfholti í Holtum, d. 7. júlí 1834 á Skeiðflöt, Þórðardóttur prests Sveinssonar og konu hans Guðfinnu húsfreyju Þorsteinsdóttur.
Móðir Ólafs á Núpi og fyrri kona Þórðar á Hjáleigusöndum var Geirdís húsfreyja, f. 12. febrúar 1792 í Hvammi u. Eyjafjöllum, Ólafsdóttir bónda og hreppstjóra í Hvammi, f. 1760, d. 20. júní 1811, og konu Ólafs, Ólafar húsfreyju og ljósmóður, f. 1762, d. 31. desember 1841, Sveinsdóttur.

Móðir Geirdísar og kona Ólafs á Núpi var Halldóra húsfreyja, f. 24. mars 1807 á Aurgötu u. Eyjafjöllum, Skúladóttir bónda í Dalskoti þar, f. 1774 á Heiði í Mýrdal, Ögmundssonar, og konu Skúla, Þórunnar húsfreyju, f. 1. september 1779, Jónsdóttur.

Geirdís var með foreldrum sínum á Núpi 1845 og 1850. Hún var fósturbarn í Berjanesi þar 1860.
Við manntal 1870 og 1880 var Geirdís húsfreyja í Berjanesi með Jóni Ólafssyni.
Geirdís ól a.m.k. 13 börn á búskaparárum sínum u. Eyjafjöllum, en missti 6 þeirra í bernsku.
Þau Jón fluttust að Kirkjubæ 1889 með Skúla 8 ára og voru vinnufólk þar. 1890 var Geirdís gift vinnukona í Dölum.
Hún var í húsmennsku í Vanangri 1891 með Jóni og börnunum Skúla og Sigurði, var með Jóni lausamanni á Vilborgastöðum 1895 og þar var Skúli með þeim 14 ára.
Við manntal 1901 var hún gift hjú hjá Gísla syni sínum í Nýjabæ.
Hún fór til Vesturheims 1902 með Jóni, Gísla syni sínum og fjölskyldu hans.
Sama árið fór Skúli sonur hennar og Ólína dóttir hennar vestur.

I. Maður Geirdísar, (1867), var Jón Ólafsson húsmaður, f. 1841, d. 29. október 1918 í Vesturheimi.
Börn þeirra hér:
1. Kristín Jónsdóttir húsfreyja á Gjábakka, f. 2. júní 1864, fór til Vesturheims 1902.
2. Halldóra Jónsdóttir, f. 5. febrúar 1869, d. 11. ágúst 1872.
3. Gísli Jónsson bóndi í Nýjabæ, f. 1873.
4. Ólína Jónsdóttir, f. 10. febrúar 1877, d. 2. febrúar 1956. Hún var vinnukona á Gjábakka 1901, fór til Vesturheims 1902 frá Steinum u. Eyjafjöllum.
5. Ólöf Jónsdóttir vinnukona í Vallnatúni u. Eyjafjöllum, f. 1. maí 1879, d. 4. mars 1963.
6. Ásbjörg Jónsdóttir, f. 23. ágúst 1880, d. 31. ágúst 1880.
7. Skúli Jónsson vinnumaður á Gjábakka, f. 29. nóvember 1881. Hann fór til Vesturheims frá Gjábakka 1902.
8. Guðfinna Jónsdóttir, f. 10. ágúst 1882, d. 30. águst 1882.
9. Geir Jónsson, f. 19. apríl 1883, d. 16. júlí 1886.
10. Þórður Jónsson, f. 29. ágúst 1884, d. 29. júní 1885.
11. Jón Jónsson, f. 20. maí 1885.
12. Jón Kristinn Jónsson klæðskeri, f. 7. júní 1886, d. 2. apríl 1964.
13. Sigurður Jónsson bóndi á Eyvindarhólum u. Eyjafjöllum, f. 10. september 1888, d. 3. október 1971.


Heimildir

  • Samantekt: Víglundur Þór Þorsteinsson.
  • Íslendingabók.is.
  • Manntöl.
  • Prestþjónustubók.
  • Vestur-Skaftfellingar 1703-1966. Björn Magnússon. Leiftur 1970-1973.