Gísli Jónsson (Nýjabæ)
Gísli Jónsson bóndi í Nýjabæ fæddist 8. október 1873 á Hrútafelli u. Eyjafjöllum og lést í Vesturheimi.
Foreldrar hans voru Jón Ólafsson húsmaður á Vilborgarstöðum, f. 1841 í Jórvík í Álftaveri, d. 29. október 1918 í Vesturheimi, og kona hans, Geirdís Ólafsdóttir húsfreyja, f. 1843 í Holtssókn u. Eyjafjöllum, d. 30. maí 1917 í Vesturheimi.
Meðal systkina Gísla voru:
1. Kristín Jónsdóttir húsfreyja á Gjábakka, f. 2. júní 1864, fór til Vesturheims 1902.
2. Ólína Jónsdóttir, f. 10. febrúar 1877, d. 2. febrúar 1956, fór til Vesturheims frá Gjábakka 1902.
3. Ólöf Jónsdóttir vinnukona í Vallnatúni u. Eyjafjöllum, f. 1. maí 1879, d. 4. mars 1963.
4. Skúli Jónsson vinnumaður á Gjábakka, f. 29. nóvember 1881. Hann fór til Vesturheims frá Gjábakka 1902.
5. Jón Kristinn Jónsson klæðskeri, f. 7. júní 1886, d. 2. apríl 1964.
Gísli var léttadrengur í Boston 1890 hjá Sigurði Sigurfinnssyni og Þorgerði Gísladóttur. Hann var húsbóndi í Nýjabæ 1901 með Jónínu Veigalín Jónsdóttur húsfreyju frá Gjábakka, f. 1873 og barninu Kristjönu Gísladóttur á fyrsta ári.
Þau fluttust öll til Vesturheims 1902.
I. Kona Gísla, (31. maí 1901), var Jónína Veigalín Jónsdóttir frá Gjábakka, f. 1873.
Barn hér:
1. Kristjana Gísladóttir, f. 13. apríl 1901. Hún fór með foreldrum sínum til Vesturheims 1902.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Prestþjónustubækur.
- Vesturfaraskrá 1870-1914. Júníus H. Kristinsson. Sagnfræðistofnun Háskóla Íslands 1983.
Þessi grein tilheyrir Æviskrám Eyjafólks eftir Víglund Þór Þorsteinsson.