Guðrún Sigurðardóttir (Brekkuhúsi)

Guðrún Sigurðardóttir eldri frá Brekkuhúsi fæddist 28. júní 1860 á Bryggjum í A-Landeyjum og lést 6. desember 1883.
Foreldrar hennar voru Sigurður Ögmundsson, þá bóndi á Bryggjum, síðar í Brekkuhúsi, en að lokum í Vesturheimi, f. 28. mars 1834, d. í Vesturheimi, og kona hans Sigríður Magnúsdóttir húsfreyja, f. 12. júní 1824, d. 5. september 1894.

Föðurbróðir Valgerðar var Guðmundur Ögmundsson vitavörður í Batavíu.
Systkini hennar í Eyjum voru:
1. Valgerður Sigurðardóttir húsfreyja í Jakobshúsi, f. 10. nóvember 1862, d. 21. nóvember 1906, fyrri kona Jakobs Tranberg.
2. Guðlaugur Sigurðsson bóndi og sjómaður í Brekkuhúsi, síðar í Vesturheimi, f. 6. október 1864, kvæntur Margréti Árnadóttur.
3. Guðrún Sigurðardóttir yngri, húsfreyja, f. 23. janúar 1866, d. 6. apríl 1937.

Guðrún var með foreldrum sínum á Bryggjum 1870 og fluttist með þeim til Eyja 1879. Hún var með þeim 1880, og Valgerður amma hennar var komin til þeirra í Brekkuhús.
Guðrún lést 1883, 23 ára „yngisstúlka frá Brekkuhúsi - af krampa“.

---

Heimildir

• Samantekt: Víglundur Þór Þorsteinsson.
• Íslendingabók.is.
• Landeyingabók – Austur-Landeyjar. Valgeir Sigurðsson og fleiri. Ritstjóri: Ragnar Böðvarsson. Austur-Landeyjahreppur, Gunnarshólma 1999.
• Manntöl.
• Prestþjónustubækur.