Aðalheiður Hafsteinsdóttir (Bólstað)
Aðalheiður Hafsteinsdóttir er fædd 15. janúar 1959. Gosnóttina 1973 bjó hún á Bólstað við Heimagötu 18, ásamt foreldrum sínum Hafsteini og Írisi og systkinum sínum Ágústu, Láru og Erni.
Samantekt Helgu Jónsdóttur árið 2007.
Eigandi myndarinnar er Íris Sigurðardóttir.
Frekari umfjöllun
Aðalheiður Hafsteinsdóttir frá Bólstað, húsfreyja, verslunarmaður, starfsmaður leikskóla fæddist 15. janúar 1959.
Foreldrar hennar voru Hafsteinn Ágústsson frá Varmahlíð, húsasmíðameistari, f. 1. nóvember 1929, d. 21. apríl 2016, og síðari kona hans Íris Sigurbjörg Sigurðardóttir frá Burstafelli, húsfreyja, f. þar 25. september 1933, d. 26. júlí 2011.
Börn Hafsteins og fyrri konu hans Hrefnu Guðbjargar Oddgeirsdóttur:
1. Sara Hafsteinsdóttir húsfreyja, sjúkraþjálfari, f. 4. júní 1952 í Stafnesi.
2. Svava Hafsteinsdóttir húsfreyja, sérkennari við leikskóla, f. 26. ágúst 1953 í Stafnesi.
Börn Hafsteins og Írisar:
1. Aðalheiður Hafsteinsdóttir, húsfreyja, f. 15. janúar 1959 á Sj.
2. Ágústa Hafsteinsdóttir húsfreyja, starfsmaður Hraunbúða, f. 1. desember 1959 á Sj.
3. Lára Hafsteinsdóttir húsfreyja, móttökuritari, f. 8. mars 1961 á Sj.
4. Hafdís Hafsteinsdóttir, f. 2. október 1963 á Sj., d. 10. október 1963.
5. Örn Hafsteinsson verslunarmaður í Reykjavík, f. 1. apríl 1965 á Sj.
6. Árni Hafsteinsson iðnverkamaður í Reykjavík, f. 5. maí 1973.
Aðalheiður var með foreldrum sínum.
Hún varð 3. bekkjar gagnfræðingur í Gagnfræðaskólanum.
Aðalheiður vann við fiskiðnað, vann afgreiðslustörf í verslun og var starfsmaður leikskóla.
Þau Sigurður Ingi giftu sig 1988, eignuðust þrjú börn. Þau bjuggu við Fífilgötu 2, síðar Höfðavegi 36.
I. Maður Aðalheiðar, (9. nóvember 1988), er Sigurður Ingi Ólafsson frá Stapa, rafvirki, skipstjóri, f. 23. febrúar 1956.
Börn þeirra:
1. Írís Sigurðardóttir yngri, býr í Noregi, er umsjónarmaður fasteigna hjá fyrirtæki þar, f. 19. maí 1981.
2. Sara Sigurðardóttir stjórnmálafræðingur, með MA-próf frá Tokyo, vinnur hjá Origo, f. 4. nóvember 1988. Fyrrum sambúðarmaður hennar Kristinn Óli Kristbjörnsson.
3. Ólafur Sigurðsson, f. 9. febrúar 1992. Hann er rafeindavirki, vinnur hjá Radíómiðun. Sambúðarkona hans Stefanía Aradóttir Andersen.
Heimildir
- Samantekt: Víglundur Þór Þorsteinsson.
- Aðalheiður.
- Íslendingabók.
- Prestþjónustubækur.
- Rafvirkjatal. Ritstjóri: Þorsteinn Jónsson, Gunnar Guðmundsson og fleiri. Þjóðsaga hf. 1995.
Þessi grein tilheyrir Æviskrám Eyjafólks eftir Víglund Þór Þorsteinsson.