Þórey Guðjóns (Svanhól)
Þórey Guðjóns frá Svanhól, húsfreyja, starfsmaður á leikskóla, fiskiðnaðarkona fæddist 1. ágúst 1944 í Svanhól og lést 31. desember 2000 á Sjúkrahúsi Suðurlands.
Móðir hennar var Sigrún Guðjónsdóttir frá Norðurbænum á Kirkjubæ, vinnukona, f. 9. júlí 1907, d. 20. júní 1967.
Þórey var með móður sinni og fjölskyldunni í Svanhól í æsku.
Hún varð gagnfræðingur í Gagnfræðaskólanum 1960, stundaði nám í Húsmæðraskólanum Ósk á Ísafirði 1963-1964.
Þórey vann afgreiðslustörf og við fiskiðnað, en var síðar starfsmaður á leikskóla á Selfossi.
Þau Agnar giftu sig 1967, eignuðust tvö börn. Þau bjuggu á Selfossi frá 1968.
Þórey lést 2000.
I. Maður Þóreyjar, (31. desember 1967), er Agnar Pétursson frá Fagurhól byggingameistari, f. þar 14. mars 1948.
Börn þeirra;
1. Sigrún Agnarsdóttir húsfreyja, dagmóðir, starfsmaður á leikskóla, f. 6. ágúst 1968. Maður hennar Gunnar Ingi Gunnarsson.
2. Þór Agnarsson húsasmiður, f. 14. júlí 1972. Kona hans María Kristín Magnúsdóttir.
Heimildir
- Samantekt: Víglundur Þór Þorsteinsson.
- Agnar.
- Morgublaðið 8. janúar 2000.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.