Sigurlín Ólafsdóttir (Kirkjudal)
Jórunn Sigurlín Ólafsdóttir húsfreyja í Kirkjudal, Skólavegi 45 fæddist 12. nóvember 1903 í Garðakoti í Mýrdal og lést 29. maí 1995 á Hrafnistu í Hafnarfirði.
Foreldrar hennar voru Ólafur Bjarnason bóndi, f. 20. apríl 1866 í Engigarði í Mýrdal, d. 16. september 1952, og kona hans Guðrún Dagbjartsdóttir húsfreyja, f. 22. maí 1874, d. 3. febrúar 1941.
Börn Ólafs og Guðrúnar í Eyjum:
1. Jórunn Sigurlín Ólafsdóttir húsfreyja í Kirkjudal, f. 12. nóvember 1903, d. 29. maí 1995.
2. Bjarngerður Ólafsdóttir húsfreyja á Heiði, f. 11. júní 1907, d. 20. febrúar 1996.
3. Eyvindur Bjarni Ólafsson vinnumaður, sjómaður, f. 11. september 1913, d. 8. júní 1981.
Sigurlín var með móður sinni í Garðakoti í Mýrdal til 1904, á Eystri-Sólheimum þar 1904-1906. Hún var með foreldrum sínum í Keldudal þar 1906-1920, var vinnukona á Norður-Hvoli 1920-1923.
Hún fluttist til Eyja 1923, eignaðist Sólrúnu í Reykjavík 1930, en vann í Nýborg 1931.
Þau Jón stofnuðu heimili að Kirkjudal 1941 og bjuggu þar síðan til Goss, eignuðust þrjú börn.
Þau fluttust til Hafnarfjarðar og bjuggu þar síðan meðan báðum entist líf.
Jón lést 1981. Sigurlín fluttist á Hrafnistu í Hafnarfirði. Hún lést 1995.
I. Barnsfaðir Sigurlínar var Gestur Gíslason frá Nýjabæ í Þykkvabæ í Djúpárhreppi, Rang., bátsformaður í Þykkvabæ, síðar trésmiður í Reykjavík, f. 26. júlí 1906, d. 4. ágúst 1994. Hann var bróðir Kjartans Runólfs Gíslasonar fisksala.
Barn þeirra:
1. Sólrún Gestsdóttir, f. 14. desember 1930 að Óðinsgötu 30 í Reykjavík, en skírð í Nýborg 1931.
II. Maður Sigurlínar var Jón Þórarinn Hinriksson sjómaður, vélstjóri, f. 17. marz 1918 á Fáskrúðsfirði, d. 26. ágúst 1983.
Börn þeirra:
2. Fríður Jónsdóttir, f. 25. júní 1939 í Kirkjudal.
3. Hrefna Jónsdóttir, f. 23. mars 1941 í Kirkjudal.
4. Baldur Jónsson, f. 12. ágúst 1944
í Kirkjudal.
Heimildir
- Samantekt: Víglundur Þór Þorsteinsson.
- Holtamannabók III – Djúpárhreppur. Valgeir Sigurðsson og fleiri. Ritstjórn: Ragnar Böðvarsson. Rangárþing ytra 2010.
- Íslendingabók.is.
- Manntöl.
- Prestþjónustubækur.
- Vestur-Skaftfellingar 1703-1966. Björn Magnússon. Leiftur 1970-1973.
Þessi grein tilheyrir Æviskrám Eyjafólks eftir Víglund Þór Þorsteinsson.