Lúða
| Fiskar |
|---|
| Önnur sjávardýr |
Lúða (Hippoglossus hippoglossus)
Stærð: Getur orðið 3-4 m og allt að 200 kg
Lýsing: Hún er frekar löng, hausstór og kjaftstór, með frekar litlar en beittar tennur. Bakugginn byrjar yfir framanverðu vinstra auga, en raufaruggi á móts við eyruggarætur. Hún er mósvört á litin, eða grá eða dökkgræn á hægri hliðinni, en hvít á þeirri vinstri
Heimkynni: Lúðan finnst um allt land en þó er mest af henni undan Suður- og Vesturlandi.
Lífshættir: Lúðan er botnfiskur og heimkynni hennar eru helst á sand- og leirbotni. Hún lifir á 20-200 m dýpi og kjörhiti hennar eru 3-9°.
Fæða: Lúðan étur allt sem hún finnur en mest þó karfa, þorsk, ýsu, smáfiska og ýmsa hryggleysingja. Það fer þó eftir því hversu stór lúðan er.
Hrygning: Hrygning lúðunnar fer fram á tímabilinu desember til apríl og fer hrygningin fram á 300-1000 m dýpi. Eggjafjöldi er á bilinu 2-3,5 milljónir eggja og klekjast eggin út á 16 dögum.
Nytsemi: Lúðan er hinn besti matfiskur, feitur og þykir góður á bragðið. Hann er ýmist étinn nýr, saltaður eða reyktur. Vegna hins hæga vaxtar og hve seint fiskurinn verður kynþroska er stofninum mikil hætta búin af ofveiði.