Sigurður Sigurðsson (Vesturhúsum)
Sigurður Sigurðsson vinnumaður frá Vesturhúsum fæddist 23. janúar 1809 í Ólafshúsum og lést 19. mars 1845.
Foreldrar hans voru Sigurður Árnason bóndi, f. 1774, d. 10. febrúar 1820, og kona hans Guðríður Einarsdóttir húsfreyja, f. 1778, d. 5. ágúst 1846.
Sigurður var með foreldrum sínum á Vesturhúsum 1816, var vinnumaður hjá Hólmfríði Erlendsdóttur í Grímshjalli 1835, en hjá Úlfheiði Jónsdóttur í Sæmundarhjalli 1840.
Hann var í Hólmfríðarhjalli við fæðingu Sigríðar 1843.
Sigurður var einn þriggja, sem fengu sektir og bann við setu í kór vegna óspekta í kirkjunni um áramótin 1831. Hinir voru Ólafur Jónsson í Dölum og Geirmundur Ólafsson vinnumaður á Oddsstöðum.
Sigurður lést 1845, þá vinnumaður í Tómthúsi hjá Margréti Jónsdóttur og Jóni Gíslasyni.
Barnsmóðir Sigurðar var Sigríður Eiríksdóttir, þá ekkja eftir Einar Hallsson, síðar húsfreyja á Vilborgarstöðum
Barn þeirra var
1. Sigríður Sigurðardóttir, f. 19. október 1843, d. 2. nóvember 1843 úr ginklofa.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Prestþjónustubækur.
- Saga Vestmannaeyja. Sigfús M. Johnsen. Ísafoldarprentsmiðja h.f. 1946.