Ellert Schram (Jónshúsi)

Ellert Kristófer Schram formaður fæddist 1810 og drukknaði 26. mars 1842.
Foreldrar hans voru Christian Günther Schram kaupmaður á Skagaströnd, f. 8. júlí 1772 í Kaupmannahöfn, d. 27. maí 1839, og kona hans Anna Christina Schram, fædd Bonnesen, húsfreyja, f. 3. nóvember 1784 í Stavanger í Noregi, d. 12. október 1841. Þau voru ættforeldrar Schram-ættar.

Bróðir Ellerts var Jens Larsen Schram verslunarstjóri, trésmiður, f. 1806, d. 22. september 1869.

Ellert var með foreldrum sínum og systkinum a Skagaströnd 1817, með ekkjunni móður sinni á Velli í Hvolhreppi 1835.
Hann fluttist með Halldóru og barninu Christian Günther að Vesturhúsum 1837, bjuggu í Jónshúsi 1840, hann skráður bóndi, í Sæmundarhjalli 1841.
Ellert var skipstjóri á báti, sem fórst 26. mars 1842.
Þeir, sem fórust, voru:
1. Ellert Chr. Schram (skráður Ellert Christian Schram, einnig Ellert Kristófer) skipstjóri, 32 ára.
2. Einar Hallsson frá Helgahjalli, 37 ára.
3. Kristján Federik „bakaradrengur“ frá Kornhól, 21 árs.
4. Benedikt Guðmundsson frá Háagarði, 21 árs.
5. Björn Hjaltason frá Tómthúsi, 20 ára.
6. Björn Magnússon vinnumaður undan Eyjafjöllum.
7. Sigurður Eyjólfsson vinnumaður frá Skógum u. Eyjafjöllum, 26 ára.

Kona Ellerts var Halldóra Ólafsdóttir húsfreyja, f. 22. september 1806, d. 18. febrúar 1888.
Barn þeirra var
1. Christian Günther Ellertsson Schram trésmiður, f. 6. janúar 1836, d. 17. mars 1914. Hann var bóndi í Öndverðarnesi í Grímsnesi og í Njarðvíkum, en fór til Vesturheims 1873 og bjó í Minnesota.

---

Heimildir

• Samantekt: Víglundur Þór Þorsteinsson.
• Íslendingabók.is.
• Manntöl.
• Prestþjónustubækur.