Guðrún Sigurðardóttir (Draumbæ)
Guðrún Sigurðardóttir yngri frá Brekkuhúsi fæddist 23. janúar 1866 á Bryggjum í A-Landeyjum og lést 6. apríl 1837.
Foreldrar hennar voru Sigurður Ögmundsson, þá bóndi á Bryggjum, síðar í Brekkuhúsi, en að lokum í Vesturheimi, f. 28. mars 1834, d. líklega í Vesturheimi, og kona hans Sigríður Magnúsdóttir húsfreyja, f. 12. júní 1824, d. 5. september 1894.
Systkini Guðrúnar í Eyjum voru:
1. Guðrún Sigurðardóttir eldri, f. 28. júní 1860, d. 6. desember 1883, 23 ára, ógift.
2. Valgerður Sigurðardóttir húsfreyja í Jakobshúsi, f. 10. nóvember 1862, d. 21. nóvember 1906, fyrri kona Jakobs Tranberg.
3. Guðlaugur Sigurðsson bóndi og sjómaður í Brekkuhúsi, síðar í Vesturheimi, f. 6. október 1864, kvæntur Margréti Árnadóttur.
Guðrún var með foreldrum sínum á Bryggjum 1870, fluttist með þeim að Brekkuhúsi 1879 og var með þeim 1880. Hún var í Draumbæ 1887 við fæðingu Katrínar og ógift vinnukona þar 1890, var í Nýjabæ 1891, er hún fluttist að Elliðavatni.
Hún eignaðist barnið Sigrúnu Jónsdóttur á Fossi í Klausturhólasókn í Árn. 23. október 1897.
Guðrún var 36 ára ógift bústýra í Sighvatshúsi í Útskálasókn í Gullbr.sýslu 1901, en þar bjó ekkillinn Sighvatur Gunnlaugsson kaupmaður og bóndi 45 ára. Hún var ógift húsmóðir Sighvats 1910 og bjó á Sandhól í Miðneshreppi, átti með honum Kristínu, f. 20. jan. 1900. Á Sandhóli bjuggu þau enn 1920. Þar var Kristín með þeim, en Sigrún dóttir Guðrúnar var látin.
1930 var hún ráðskona á Kveldúlfi í Útskálasókn án Kristínar. Hún hafði látist 1921. Guðrún lést 1937.
I. Barnsfaðir Guðrúnar var Guðjón Ingimundarson í Draumbæ, f. 30. júní 1867, d. 10. desember 1948 í Vesturheimi.
Barn þeirra var
1. Katrín Guðjónsdóttir, f. 15. ágúst 1887 í Draumbæ. Hún var fóstruð í Dal hjá Guðrúnu Bergsteinsdóttur og Árna Sigurðssyni, en fluttist til Vesturheims 1902.
II. Barnsfaðir Guðrúnar var Jón Sigurðsson, þá vinnumaður í Reykjavík.
Barn þeirra var
2. Sigrún Jónsdóttir, f. 23. október 1897 í Klausturhólasókn í Árn., d. 20. febrúar 1914.
III. Sambýlismaður Guðrúnar var Sighvatur Jón Gunnlaugsson kaupmaður og bóndi í Sandhól á Reykjanesi, f. 3. október 1856, d. 4. október 1940.
Barn þeirra var
3. Kristín Sighvatsdóttir, f. 20. janúar 1900, d. 9. febrúar 1921.
Heimildir
- Samantekt: Víglundur Þór Þorsteinsson.
- Íslendingabók.is.
- Landeyingabók – Austur-Landeyjar. Valgeir Sigurðsson og fleiri. Ritstjóri: Ragnar Böðvarsson. Austur-Landeyjahreppur, Gunnarshólma 1999.
- Manntöl.
- Prestþjónustubækur.
- Vesturfaraskrá 1870-1914. Júníus H. Kristinsson. Sagnfræðistofnun Háskóla Íslands 1983.