Ólafur Jónsson (Landamótum)
Ólafur Jónsson á Landamótum fæddist að Eyjarhólum í Mýrdal 4. nóvember 1883, drukknaði 5. janúar 1916.
Foreldrar hans voru Jón Árnason, f. 1840, og k.h. Guðríður Eyjólfsdóttir, f. 1842.
Börn þeirra í Eyjum voru
1. Friðrik Jónsson á Látrum, sjómaður, skipstjóri, útgerðarmaður, f. 7. desember 1868, d. 29. október 1940.
2. Árni Jónsson sjómaður, skipstjóri, útgerðarmaður, f. 5. maí 1874, d. 8. ágúst 1954.
3. Guðrún Jónsdóttir vinnukona, síðar í Vesturheimi, f. 20. maí 1876, d. 30. mars 1934.
4. Þorsteinn Jónsson sjómaður, f. 1. september 1877.
5. Ólafur Jónsson á Landamótum, sjómaður, vélstjóri, útgerðarmaður, f. 4. nóvember 1883, drukknaði 5. janúar 1916.
Ólafur var í foreldrahúsum til ársins 1908, er hann fluttist til Eyja.
Hann vann þar við sjómennsku, var vélstjóri hjá Friðriki bróður sínum á Heklu, varð meðeigandi bræðra sinna Friðriks og Árna í Görðum og fleiri að Íslendingi VE-161 1912 og fórst með honum.
Kona Ólafs (1909) var Geirlaug Sigurðardóttir, f. 1891.
Börn þeirra voru:
1. Sigríður Ólafsdóttir húsfreyja í Reykjavík, f. 4. nóvember 1911, d. 23. mars 2004.
2. Guðjón Ólafsson skipstjóri á Landamótum, f. 30. janúar 1915, d. 4. maí 1992.
Heimildir
- Samantekt: Víglundur Þór Þorsteinsson.
- Vestur-Skaftfellingar. Björn Magnússon.
- Manntal 1910.
- Þegar „Íslendingur“ fórst 1916. Árni Árnason.
Þessi grein tilheyrir Æviskrám Eyjafólks eftir Víglund Þór Þorsteinsson.