Ástríður Eiríksdóttir (Landamótum)
Ástríður Eiríksdóttir á Landamótum, húsfreyja, húskona fæddist 30. ágúst 1845 í Fíflholts-Suðurhjáleigu í V-Landeyjum og lést 26. maí 1913.
Foreldrar hennar voru Eiríkur Jónsson bóndi, f. 28. apríl 1811, d. 27. maí 1866, og kona hans Sigríður Árnadóttir húsfreyja, f. 1815 í Mosfellssókn, d. 25. júní 1876.
Ástríður var með foreldrum sínum, en var vinnustúlka í Eystri-Tungu í V-Landeyjum 1860, vinnukona á Skíðbakka í A-Landeyjum 1870.
Þau Þorleifur giftu sig 1879, bjuggu á Fornusöndum u. Eyjafjöllum 1880 með Kristínu dóttur sinni nýfæddri. Hún var húskona með Þorleifi á Syðri-Hól þar 1890 með tveim börnum þeirra, leigjandi á Ytri-Skála þar 1901.
Þau Þorleifur fluttust til Kristínar og Sveins á Landamótum 1907 og bjuggu hjá þeim síðan.
Ástríður lést 1913 og Þorleifur 1925.
I. Maður Ástríðar, (1879), var Þorleifur Þorleifsson bóndi, húsmaður, síðast í dvöl á Landamótum, f. 11. september 1849, d. 8. febrúar 1925.
Börn þeirra:
1. Kristín Þorleifsdóttir húsfreyja á Landamótum, f. 14. september 1880 á Fornusöndum, d. 10. mars 1978.
2. Guðmundur Óskar Þorleifsson smiður á Langeyri í Álftafirði, Ís. og í Keflavík, Gull., f. 6. apríl 1884, d. 7. júlí 1964.
Heimildir
- Samantekt: Víglundur Þór Þorsteinsson.
- Íslendingabók.is.
- Landeyingabók – Austur-Landeyjar. Valgeir Sigurðsson og fleiri. Ritstjóri Ragnar Böðvarsson. Austur-Landeyjahreppur, Gunnarshólma 1999.
- Manntöl.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.