Geirfuglasker
Geirfuglasker liggur 5 km suð-vestur af Geldungi og eru skerin álíka að stærð. Geirfuglasker er mun lægra þar sem mesta hæð er 43 m. Gróður þekur ekki alla eyjuna, helst er að finna skarfakál og annan gróður í kringum drit fugla sem þar verpa. Viti er á skerinu.
Vitinn í Geirfuglaskeri
Sjá aðalgrein:Geirfuglaskersviti
Vitinn var settur upp árið 1956 og árið 1993 voru sólarrafhlöður tengdar við vitann og gengur vitinn nú fyrir sólarrafmagni.
Úr örnefnaskrá Gísla Lárussonar
Geirfuglasker (öðru nafni Freykja) liggur allt að mílu í suðvestur frá Súlnaskeri og lengst til hafs af öllum eyjum, er teljast til Vestmannaeyja. Er það lítið sker og keilumyndað, en grasivaxin laut ofan í kollinn á því. Er þar fýlabyggð talsverð; til suðvesturs í því er svartfuglabyggð, Kórar (Útsuðurskórar), en til norðausturs allstór bekkur með lausagrjóti, Urð .
Heimildir
- Eyjólfur Gíslason. Vitinn á Geirfuglaskeri. Sjómannadagsblað Vestmannaeyja 1983. 1983. bls. 39-44.
- Gísli Lárusson. Örnefni á Vestmannaeyjum. Örnefnastofnun Íslands, 1914.