Hani

Nafn eyjunnar er dregið af því að hún lítur út fyrir að vera með kamb. Hani er 97 m hár, hæstur þar sem heitir Hanahöfuð. Eyjan er umkringd háum hömrum sem eru víðast þverhníptir nema helst að vestanverðu. Í brekkunni móti suðri vex bæði gras, skarfakál og slatti af baldursbrá. Veiðikofi er í Hana og legið þar við á sumrum í lundaveiði. Þá hefur og sauðfé verið haft þar til beitar.