Ragnheiður Kristjánsdóttir (Flötum)
Kristjana Ragnheiður Kristjánsdóttir húsfreyja á Oddeyri, (Flötum 14) fæddist 12. janúar 1906 á Múla og lést 6. september 1982.
Foreldrar hennar voru Kristján Gunnarsson sjómaður, verkamaður, f. 13. júní 1882 á Sperðli í V-Landeyjum, d. 26. ágúst 1926, og Helga Jónsdóttir húsfreyja, f. 4. mars 1864 á Grímsstöðum í V-Landeyjum, d. 17. janúar 1946
Bróðir Ragnheiðar var
1. Gunnar Kristjánsson, f. 10. júní 1913 í Laufási, d. 11. maí 1939.
Systir Helgu var
2. Elín Jónsdóttir húsfreyja á Eystri-Oddsstöðum, kona Þórarins Árnasonar bónda og bæjarfulltrúa.
Ragnheiður var með foreldrum sínum á Múla, og Brekku 1910, í Laufási 1920 og við fæðingu Helgu 1925.
Þau Ólafur Ragnar giftu sig 1924, bjuggu í Laufási 1927, voru komin að Oddeyri 1930 og þar bjuggu þau síðan.
Þau eignuðust þrjú börn, en misstu yngsta barnið á öðru ári þess.
Maður Ragnheiðar, (18. október 1924), var Ólafur Ragnar Sveinsson bifreiðastjóri, heilbrigðisfulltrúi, þá á Rafnseyri, f. 25. ágúst 1903 á Árgilsstöðum í Hvolhreppi, d. 2. maí 1970.
Börn þeirra:
1. Helga Ólafsdóttir húsfreyja, f. 13. janúar 1925 í Laufási, d. 11. apríl 1997
2. Margrét Ólafsdóttir húsfreyja, leikari, f. 12. júní 1931 á Oddeyri á Flötum, d. 24. mars 2011.
3. Kristín Ólafsdóttir, f. 17. febrúar 1935 á Oddeyri á Flötum, d. 5. júlí 1936.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.