Einar Jónsson (Oddsstöðum)
Einar Jónsson bóndi frá Oddsstöðum fæddist 31. október 1860 á Oddsstöðum og lést 15. febrúar 1950 í Reykjavík.
Foreldrar hans voru Jón Bjarnason bóndi á Oddsstöðum, f. 20. október 1817, látinn að líkindum í Utah, og síðari kona hans Guðbjörg Jónsdóttir húsfreyja, f. 1825, d. 23. maí 1867.
Systkini Einars í Eyjum voru:
1. Guðbjörg Bóel Jónsdóttir húsfreyja á Seyðisfirði, f. 14. mars 1853. Hún var vinnukona í Juliushaab 1876.
2. Jón Jónsson húsmaður á Kirkjubæ, síðar í Utah, f. 22. janúar 1857.
Einar var með foreldrum sínum til ársins 1867 og síðan föður sínum og systkinum til 1870.
Hann var léttadrengur á Kirkjubæ 1871 og 1872, vinnumaður þar 1873 og enn 1876, á Vesturhúsum 1877. Hans er ekki getið við húsvitjun í Eyjum næstu árin, finnst ekki brottfluttur né finnst hann á manntali.
Einar var bóndi í Halakoti í Biskupstungum 1901, í Prestshúsum á Eyrarbakka 1910, síðar verkamaður í Reykjavík.
I. Barnsmóðir Einars var Valgerður Hróbjartsdóttir, var á Rauðafelli 1880, vinnukona í Útey í Laugardal, Árn. 1901, húsfreyja í Skuld 1910, á Hverfisgötu 92b 1930, f. 11. október 1876 á Rauðafelli u. Eyjafjöllum, d. 18. febrúar 1970.
Barn þeirra:
1. Guðmunda Guðrún Magnúsína Einarsdóttir, f. 12. ágúst 1921 í Reykjavík, d. 14. júní 1934 í Reykjavík.
II. Kona Einars, (7. nóvember 1901), var Guðrún Einarsdóttir húsfreyja, f. 23. ágúst 1860 í Gamlabæ (Syðri-Steinsmýri) í Meðallandi, d. 17. júlí 1945. Foreldrar hennar voru Einar Sigurðsson bóndi í Nýjabæ og síðar í Efri-Mörk, f. 13. september 1815 á Breiðabólstað, d. 5. desember 1879 í Gamlabæ, og kona hans Ragnhildur Þorkelsdóttir húsfreyja, f. 11. júní 1823 í Skaftárdal, d. 12. júlí 1884 í Gamlabæ.
Uppeldissonur þeirra var
2. Jóhann Axel Jóhannsson, f. 11. júlí 1900 á Nethömrum í Ölfusi, d. 14. janúar 1951.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Prestþjónustubækur.
- Vestur-Skaftfellingar 1703-1966. Björn Magnússon. Leiftur 1970-1973.
Þessi grein tilheyrir Æviskrám Eyjafólks eftir Víglund Þór Þorsteinsson.